އަރަފާތު ދުވަހު ފަލަސްތީނުގެ މުސްލިމުންނަށް ހެޔޮ ދުއާކޮށްދިނުމަށް އިލްތިމާސް ކުރައްވައިފި

އިސްލާމިކް މިނިސްޓަރު ޑރ. ޝަހީމް: ފޮޓޯ/ އިސްލާމިކް މިނިސްޓަރު

އަރަފާތު ދުވަހު ފަލަސްތީނުގެ މުސްލިމުންނަށް ހެޔޮ ދުއާކޮށްދިނުމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު އިލްތިމާސް ކުރައްވައިފި އެވެ.

އަރަފާތު ބިމުގައި ހުންނަވާ ޕީއެސްއެމަށް ދެއްވި އިންޓަވިއުއެއްގައި ޝަހީމް ވިދާޅުވީ، މިއަދު އަރަފާތު ދުވަހާ ބައްދަލުވެފައި މިވަނީ މުސްލިމް އުއްމަތަށް އުފާވެރި ދުވަސްތަކެއްގައި ނޫން ކަމަށާއި ފަލަސްތީނުގެ މުސްލިމް އަހުންނާއި އުހުތުންގެ މަތިން ހަނދުމަކޮށް ހެޔޮ ދުއާ ކޮށްދޭން ޖެހޭނެ ކަމަށެވެ.

"އެންމެން އެއް ހެދުމެއްގައި އެއް ފޭރާމެއްގައި، ދުނިޔޭގެ އެކި ކަންކޮޅުތަކުން އެތައް މިތަނުން އައިސްސަ މިތިބީ، މި ހުރިހާ ކަންކަމަކުންވެސް މި ދޭހަކޮށްދެނީ އިސްލާމްދީނުގެ މަތިވެރިކަމާއި އަހުވަތްތެރި ކަމާއި، އޯގާވަންތަވެރި ކަމާއި، ރޫހާނިއްޔަތުކަމާއި،ﷲއަށް ކިޔަމަންތެރިކަން އަދާ ކުރުމުގައި މުޅި އުންމަތް އެއްބަޔަކު އަނެއްނަޔަކާއި ގުޅިގެން، ގުޅުން ރަމްޒު ކޮށްދޭ ވަރަށް މަތިވެރިކަމެއް އަރަފާތް ދުވަހުގެ އަޅުކަމަކީ،" ޝަހީމް ވިދާޅުވި އެވެ.

މިއަހަރުގެ ހައްޖު މޫސުމަށް ސައޫދީ ސަރުކާރުން ވަރަށް ފުރިހަމަ އިންތިޒާމްތަކެއް ހަމަޖައްސަވާފައިވާކަން މިނިސްޓަރު ފާހަގަ ކުރެއްވި އެވެ. ވަކިން ހާއްސަކޮށް ހައްޖުވެރިންގެ ރައްކާތެރި ކަމާއި ސިއްހަތާއި ގުޅޭ ކަންކަން ފުރިހަމައަށް އިންތިޒާމު ކުރައްވާތީ، މިނިސްޓަރު ޝަހީމް ވަނީ ސައުދީ ސަރުކާރަށް ޝުކުރު އަދާ ކުރައްވާފަ އެވެ.

މިނިސްޓަރ ޝަހީމް