ވިލިމާލޭގައި އަޅައި، ހޮސްޕިޓަލުގެ ޑިޒައިން ހެދުމުގެ އެއްބަސްވުމުގައި ސޮއިކޮށްފި

ވިލިމާލޭގައި އަޅައި، ހޮސްޕިޓަލުގެ ޑިޒައިން ހެދުމުގެ އެއްބަސްވުމުގައި މިވަނީ ސޮއިކޮށްފައި: ފޮޓޯ/ ހެލްތް މިނިސްޓްރީ

ވިލިމާލޭގައި ތަރައްގީ ކުރުމަށް ނިންމާފައިވާ 100 އެނދުގެ ހޮސްޕިޓަލްގެ ޑީޓެއިލް ޑިޒައިންގެ މަސައްކަތް ކުރުމަށް، ރާއްޖެ އާއި ޗައިނާއާއި ދެމެދު ލެޓާ އޮފް އެކްސްޗޭންޖުގައި ސޮއިކޮށްފި އެވެ.

ދަރުމަވަންތަ ހޮސްޕިޓަލުގައި ބޭއްވި ރަސްމިއްޔާތެއްގައި، މިކަމުގެ އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތޮލިބެވެ. ޗައިނާ ސަރުކާރުގެ ފަރާތުން ސޮއިކުރެއްވީ ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ކޮންގް ޒިއަންހުއާ އެވެ.

ވިލިމާލޭގައި 100 އެނދުގެ ހޮސްޕިޓަލެއް ތަރައްގީ ކުރުމަށް، ފީސިބިލިޓީ ސްޓަޑީއެއް ހެދުމަށް ލެޓާ އޮފް އެކްސްޗޭންޖުގައި ސޮއިކުރީ މިދިޔަ އަހަރުގެ އޭޕްރިލް މަހު އެވެ. މި އެއްބަސްވުމުގެ ދަށުން ޗައިނާގެ ތަޖުރިބާކާރުންގެ ޓީމެއް ރާއްޖެ އައިސް، ހެލްތް މިނިސްޓްރީ އާއި އައިޖީއެމްއެޗްއާ ގުޅިގެން މަސައްކަތް ކޮށްފައިވެ އެވެ.

އެއްބަސްވުމުގައި ސޮއިކުރުމަށް ބޭއްވި ރަސްނިއްޔާތުގައި ހެލްތް މިނިސްޓަރު އަބުދުﷲ ނާޒިމް އިބްރާހީމް ވެސް ބައިވެރިވެ ވަޑައިގެންނެވި އެވެ.

ޗައިނާ ސަރުކާރުގެ އެހީއާ އެކު ވިލިމާލޭގައި ހޮސްޕިޓަލް ތަރައްގީ ކުރުމަށް އެއްބަސްވުމުގައި ސޮއިކުރީ ރައީސްގެ ވެރިކަމުގެ ފުރަތަމަ 100 ދުވަހުގަ އެވެ.

މިނިސްޓްރީ އޮފް ހެލްތް ކޮންސްޓްރަކްޝަން މިނިސްޓަރީ