ނުވަ ގްރާމަށްވުރެ ގިނަ ޑުރަގާއެކު މާމިގިލިން ބަޔަކު ހައްޔަރުކޮށްފި

މާމިގިލިން ޑުރަގާއެކު ހައްޔަރުކުރި ފަސް މީހުން: ފޮޓޯ/ ޕޮލިސް

މަސްތުވާތަކެއްޗާ ދެކޮޅަށް ފުލުހުން ކުރަމުން އަންނަ މަސައްކަތްތަކުގެ ތެރެއިން އދ. މާމިގިލީގައި ހިންގި އޮޕަރޭޝަނެއްގައި މަސްތުވާތަކެއްޗާއެކު ފަސް މީހަކު އިއްޔެ ހައްޔަރު ކޮށްފި އެވެ.

މި އޮޕަރޭޝަނުގައި ހައްޔަރު ކޮށްފައިވަނީ އދ. މާމިގިލި ރީފްސައިޑް، ރިސްވާން އިބްރާހިމް، 30، އާއި ހަމަ އެރަށުގެ ވިލެޖު، އަހުމަދު ފިރުޝާން، 28، އާއި ރޯޅި، މުޙައްމަދު ޝަހުދު، 27، އާއި ކުވައިތު، މުޙައްމަދު މަހުމޫދު، 34، އަދި އެވަރެސްޓް، އަލީ ޝާނީޒް، 39، އެވެ.

ފުލުހުން ބުނީ މި އޮޕަރޭޝަނުގައި އެ ފަސް މީހުން ހައްޔަރުކޮށް، އެ މީހުންނާ ގުޅޭ ހަތް ތަނެއް ބަލައި ފާސްކުރިއިރު، 9.68 ގުރާމްގެ މަސްތުވާތަކެތި ފެނިފައިވާ ކަމަށެވެ.

ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ރިސްވާން އިބްރާހިމް އާއި މުޙައްމަދު މަހުމޫދަށް 15 ދުވަހުގެ މުއްދަތެއް ދީފައިވެ އެވެ.

އަހުމަދު ފިރުޝާން އާއި މުޙައްމަދު ޝަހުދުގެ އިތުރުން އަލީ ޝާނީޒް ބަންދުގައި ބެހެއްޓުމަށް ކޯޓުން ދިނީ ފަސް ދުވަހުގެ މުއްދަތެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.

ފުލުހުން މަސްތުވާތަކެތި