މައްކާ ރޫޓް އިނީޝިއޭޓިވްގެ ޓީމުން ކޮށްދިން ހިދުމަތުގެ އަގުވަޒަން ކޮށްފި

މައްކާ ރޫޓް އިނީޝިއޭޓިވްގެ ޓީމުން ކޮށްދިން ހިދުމަތުގެ އަގުވަޒަން ކުރުން: ފޮޓޯ/ އިސްލާމިކް މިނިސްޓްރީ

ދިވެހި ހައްޖުވެރިންނަށް މުޅިން އަލަށް ލިބިގެންދިޔަ މައްކާ ރޫޓު އިނީޝިއޭޓިވްގެ ހިދުމަތް ދިނުމަށް ރާއްޖެއަށް ވަޑައިގެންނެވި ސައުދީ އަރަބިއްޔާގެ އޮފިޝަލުންގެ އަގުވަޒަން ކޮށްފި އެވެ.

މިކަމަށް ޓަކައި ރޭ އިސްލާމިކް މިނިސްޓްރީގައި ބޭއްވި ހާއްސަ ރަސްމިއްޔާތެއްގައި ވަނީ ރާއްޖެއަށް ވަޑައިގެންނެވި ސައުދީގެ އޮފިޝަލުންގެ އަގުވަޒަންކޮށް، ހަނދާނީ ލިޔުން ދެއްވާފަ އެވެ.

ހަނދާނީ ލިޔުން ހަވާލުކޮށް ދެއްވީ މިނިސްޓަރު ޑރ. މުޙައްމަދު ޝަހީމް އަލީ ސައީދު އެވެ.

މި ރަސްމިއްޔާތުގައި މައްކާ ރޫޓު އިނީޝިއޭޓިވްގެ ސަބަބުން ދިވެހި ހައްޖާޖީންނަށް ލިބިގެންދިޔަ ބޮޑު ލުއިފަސޭހައިގެ އަގު ވަޒަން ކުރައްވާ މިނިސްޓަރު ޝަހީމް ވަނީ ސައުދީ އޮފިޝަލުންނަށް ޝުކުރު އަދާ ކުރައްވާފަ އެވެ.

މި އަހަރު ރާއްޖެއިން ދަތުރު ކުރި 4 ފުލައިޓުގެ ހައްޖުވެރިންވެސް ދަތުރުކޮށްފައިވަނީ މައްކާ ރޫޓު އިނީޝިއޭޓިވްގެ ދަށުންނެވެ.

އެ ގޮތުން ހައްޖުވެރިން ރާއްޖެއިން ފުރުމުގެ ކުރިން ސައުދީ އިމިގްރޭޝަން އެއްކޮށް ފުރިހަމަ ކޮށްފައިވާއިރު، ޖިއްދާ އެއާޕޯޓުގައި ހައްޖުވެރިން މަޑު ކުރަން ޖެހެނީ ވަރަށް ކުޑަ ވަގުތު ކޮޅަކަށެވެ.

މިއީ މިހާތަނަށް ހައްޖުވެރިންގެ ދަތުރަށް ލިބިގެންދިޔަ އެންމެ ބޮޑު ލުއިފަސޭހަކަން ފާހަގަކޮށްލެވެ އެވެ.

މިނިސްޓަރ ޝަހީމް މައްކާ ރޫޓު އިނީޝިއޭޓިވް