އެންމެ ޒަމާނީ ވަސީލަތްތަކާއެކު އައިޖީއެމްއެޗުގެ މަލްޓި-ސްޕެޝަލިޓީ ސާޖިކަލް ވިންގު ހުޅުވައިފި

އެންމެ ޒަމާނީ ވަސީލަތްތަކާއެކު އައިޖީއެމްއެޗުގެ މަލްޓި-ސްޕެޝަލިޓީ ސާޖިކަލް ވިންގު ހުޅުވުން — ފޮޓޯ/ ރައީސް އޮފީސް

އިންދިރާ ގާނދީ މެމޯރިއަލް ހޮސްޕިޓަލުގައި އެންމެ ޒަމާނީ ވަސީލަތްތަކާ އެކު ގާއިމުކޮށްފައިވާ މަލްޓި-ސްޕެޝަލިޓީ ސާޖިކަލް ވިންގު ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ހުޅުއްވައިދެއްވައިފި އެވެ.

މިއަދު ހުޅުއްވައިދެއްވި 75 އެނދުގެ މަލްޓި-ސްޕެޝަލިޓީ ސާޖިކަލް ވިންގުގައި ޖެނެރަލް ސާޖަރީ ތަކާއި، ނިއުރޯ ސާޖަރީ ތަކާއި ޕްލާސްޓިކް ސާޖަރީ ތަކާއި، އޯތޯ ސާޖަރީ ތަކާއި ޔޫރޮލޮޖީގެ ސާޖަރީތައް ކުރާ ބަލިމީހުން އެޑްމިޓު ކުރެވޭނެ އެވެ. މި ވިންގާ އެކު އައިޖީއެމްއެޗުގެ އެނދުގެ ޖުމުލަ އަދަދު މި ވަނީ 510 އަކަށް އިތުރުކުރެވިފަ އެވެ.

މި ވިންގު ހުޅުއްވައިދެއްވުމަށްފަހު ރައީސް ވަނީ އެ ވިންގު ބައްލަވާލައްވާފަ އެވެ.

ރައީސްގެ އަރިހުގައި ހެލްތު މިނިސްޓަރު އަބްދުﷲ ނާޒިމް އިބްރާހިމް އާއި ވަޒީރުންނާއި މާލޭ ސިޓީ ގުރޫޕް އޮފް ހޮސްޕިޓަލްސްގެ ބޯޑުގެ ޗެއާ ޕާސަން ޑރ. އަބްދުލްއަޒީޒް ޔޫސުފް އާއި ޗީފް އެގްޒެކެޓިވް އޮފިސަރު އިބްރާހީމް އަބްދުއްރައްޒާގު ހަލީމް އާއި އެސިސްޓަންޓް މެޑިކަލް ޑިރެކްޓަރު އަދި ހެޑް އޮފް ދަ ޑިޕާޓްމަންޓް އޮފް ސާޖަރީ ޑރ. މުޙައްމަދު ވަހީދު އަދި ޑިރެކްޓާ ޖެނެރަލް އޮފް ނާސިން މަރިޔަމް ޝިފާ، ބައިވެރިވެވަޑައިގަތެވެ.

ރައީސް ޑރ މުޢިއްޒު އައިޖީއެމްއެޗް