އުފެއްދުންތެރިކަމުގެ މައުރަޒު ފައްޓައިފި

އުފެއްދުންތެރިކަމުގެ މައުރަޒުގެ ސްޓޯލްތަކަށް ރައީސްގެ ދެ ކަނބަލުން ވަޑައިގަތުން -- ފޮޓޯ/ ރައީސް އޮފީސް

"ދިވެހީންގެ އުފެއްދުންތެރިކަމުގެ މައުރަޒު 2025" ފަށައިފި އެވެ.

ހުޅުމާލޭ ސެންޓްރަލް ޕާކު ސަރަހައްދުގައި ކުރިއަށް ގެންދާ އެ އެކްސްޕޯ ފައްޓަވައިދެއްވީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އެވެ. އަދި ރައީސް އާއި އެ މަނިކުފާނުގެ އަނބިކަނބަލުން ވަނީ، އެ މައުރަޒުގެ ބައިވެރީންގެ މަސައްކަތްތައް ބައްލަވާލައްވާފަ އެވެ.

މި މައުރަޒުގައި ދިވެހިވަންތަ، ސަގާފީ އުފެއްދުން ތަކުގެ އިތުރުން ޒަމާނީ ދިވެހި އުފެއްދުން ތަކާއި، ހުނަރުވެރި ދިވެހީންގެ ސުމޭކު އުފެއްދުން ތަކާއި މުނިފޫހި ފިލުވުމުގެ ދާއިރާގެ އުފެއްދުން ތަކާއި ހުށަހެޅުންތައް ފެނިގެންދެ އެވެ.

މިއީ، ރާއްޖޭގެ އުފެއްދުން ތެރިކަން އިތުރުކޮށް، ވިޔަފާރި ފުޅާ ކުރުމުގެ މަގުސަދުގައި މިހާތަނަށް ރާއްޖޭގައި ބާއްވާ މި ފަދަ އެންމެ ބޮޑު މައުރަޒެވެ.

"ދިވެހީންގެ އުފެއްދުންތެރިކަމުގެ މައުރަޒު" ގެ ނަމުގައި މައުރަޒެއް ބޭއްވުމަށް ރައީސުލްޖުމްހޫރިއްޔާ ނިންމަވާފައި ވަނީ، ވަޒީރުންގެ މަޖިލީހުގެ ލަފާފުޅާއެކު 19 މޭ 2024 ގައެވެ. މައުރަޒުގެ ކަންކަން އިންތިޒާމުކޮށް، ކުރިއަށް ގެންދަނީ އިކޮނޮމިކް މިނިސްޓްރީ އާއި ބިޒްނަސް ސެންޓާ ކޯޕަރޭޝަން (ބީ.ސީ.ސީ) ގުޅިގެންނެވެ.

މި މައުރަޒު ކުރިއަށް ގެންދާނީ މިއަދުން ފަށައިގެން މިމަހުގެ ނިޔަލަށް، ކޮންމެ ދުވަހަކު، ހަވީރު 4:00 އިން ރޭގަނޑު 11:00އަށެވެ.

ރައީސް ޑރ މުޢިއްޒު އުފެއްދުންތެރިކަމުގެ މައުރަޒު