ރާއްޖެއަށް އެތެރެކުރާން އުޅުނު 3 ކިލޯއަށްވުރެ ގިނަ ޑުރަގްސް އަތުލައިގެންފި

ކަސްޓަމްސުން މީގެ ކުރިން އަތުލައިގެންފައިވާ މަސްތުވާތަކެތި -- ފޮޓޯ/ ކަސްޓަމްސް

ވައިގެ މަގުން ރާއްޖެއަށް އެތެރެ ކުރާން އުޅުނު 3.6 ކިލޯގެ މަސްތުވާތަކެތި ކަސްޓަމްސުން އަތުލައިގަނެފި އެވެ.

ކަސްޓަމްސް އިން ބުނީ މި ތަކެތި އަތުލައިގަނެފައިވަނީ ވައިގެ މަގުން ރާއްޖެ އެތެރެ ކޮށްފައިވާ ޝިޕްމެންޓެއްގައި މަސްތުވާތަކެތި ހުރި ކަމަށް ލިބުނު އިންޓެލިޖެންސް މައުލޫމާތަކާ ގުޅިގެން މިރޭ އެ ޝިޕްމެންޓް ބަލައި ފާސް ކުރުމަށް ހިންގި ހާއްސަ އޮޕަރޭޝަނެއްގެ ތެރެއިން ކަމަށެވެ.

އަތުލައިގަނެވުނު މަސްތުވާތަކެތީގެ ފުރަތަމަ މަރުހަލާގެ ތަހުލީލު ތަކުން މަސްތުވާތަކެތީގެ ބާވަތެއް ކަމަށްވާ "މެތަމްފެޓަމައިން" އަށް ވަނީ ޕޮޒިޓިވް ވެފަ އެވެ.

މިއަދު އަތުލައިގަތް މަސްތުވާތަކެތީގެ ބަރުދަނުގައި ޕެކިން އާ އެކު ޖުމުލަ 3.6 ކިލޯގްރާމް ހުރި ކަމަށާއި މި ތަކެތީގެ މަގުމަތީ އަގަކީ ގާތްގަނޑަކަށް 7.2 މިލިއަން ދިވެހި ރުފިޔާ ކަމަށް ކަސްޓަމްސުން ބުންޏެވެ.

މި މައްސަލަ އިތުރަށް ތަހުގީގު ކުރުމަށް ޓަކައި އަތުލައިގަނެވުނު މަސްތުވާތަކެތި މިހާރު ފުލުހުންނާ ހަވާލުކޮށްފައިވާ ކަމަށްވެސް ކަސްޓަމްސުން ބުންޏެވެ.

މަސްތުވާތަކެތި ފުލުހުން