ބީއެމްއެލުން ދިއްގަރުގައި އޭޓީއެމްގެ ހިދުމަތް ފަށައިފި

ބޭންކް އޮފް މޯލްޑިވްސް (ބީއެމްއެލް) އިން މ. ދިއްގަރުގައި ސެލްފް ސާވިސް ބޭންކިން (އޭޓީއެމް) ހުޅުވައި ހިދުމަތްދޭން ފަށްޓައިފި އެވެ.

މި ރަސްމިޔާތު ޝަރަފުވެރި ކޮށްދެއްވީ ލޯކަލް ގަވަނެންސް މިނިސްޓަރު އާދަމް ޝަރީފް އުމަރު އެވެ. އަދި މި ރަސްމިޔާތުގައި ބޭންކް އޮފް މޯލްޑިވްސްގެ ޗެއާޕާސަން އަހުމަދު އަލީ ހަބީބު އަދި ޗީފް އެގްޒެކެޓިވް އޮފިސަރު (ސީއީއޯ) މުޙައްމަދު ޝަރީފުގެ އިތުރުން މުލަކު ދާއިރާގެ މެންބަރު އިބްރާހިމް ނައުފަލް ބައިވެރިވެވަޑައިގެންނެވި އެވެ.

މާލީ މުހިންމު ހުރިހާ ހިދުމަތް ތަކެއް އެއްތަނަކުން ލިބޭނެ ފަދަ އިންތިޒާމެއް، ރާއްޖޭގެ މީހުންދިރިއުޅޭ ކޮންމެ ރަށެއްގައި ގާއިމު ކުރުމަށް ސަރުކާރުން ކަނޑައަޅާފައިވާ ސިޔާސަތުގެ ދަށުން، ރާއްޖޭގެ މީހުންދިރިއުޅޭ ހުރިހާ ރަށެއްގައި އޭޓީއެމް ބަހައްޓައި އޭޓީއެމްގެ ހިދުމަތްތައް ފޯރުކޮށްދިނުމަށް ޓަކައި ފިނޭންސް މިނިސްޓްރާ އާއި އާއި ބޭންކް އޮފް މޯލްޑިވް އާ ދެމެދު އެއްބަސްވުމެއްގައި ސޮއި ކުރެވުނީ މިދިޔަ އަހަރުގެ ނޮވެމްބަރު 7 ވަނަ ދުވަހު އެވެ

ބީއެމްެއެލް އޭޓީއެމް