ވޭވަށުން ލައިސަންސް ނެގޭނެ ގޮތް ހަދައިފި

މ. ވޭވަށުގައި އައު ޑްރައިވިން ލައިސަންސް ޓްރެކެއް ހުޅުވައި، އެއްގަމު އުޅަނދު ދުއްވުމުގެ ލައިސަންސް ނެގޭނެ ގޮތް ސަރުކާރުން ހަދައިފި އެވެ.

ވޭވަށުގައި މި ކަމަށް ބޭއްވި ރަސްމިއްޔާތުގައި ޓްރެކް ހުޅުވައިދެއްވީ ޓްރާންސްޕޯޓް މިނިސްޓްރީގެ ޑެޕިއުޓި މިނިސްޓަރު އަލީ ނިޝާނެވެ.

އެ ރަސްމިއްޔާތުގައި ވާހަކަ ދައްކަވަމުން ނިޝާން ވިދާޅުވީ މި ޓްރެކް ހުޅުވުމަކީ ރާއްޖޭގެ އެކި ކަންކޮޅު ތަކުގައި ދަތުރުފަތުރުގެ ހިދުމަތްތައް ފުޅާ ކުރުމަށް ސަރުކާރުން ކުރަމުންދާ މަސައްކަތުގެ ބައެއް ކަމަށެވެ.

އޭނާ ވިދާޅުވީ މި ޓްރެކް ހުޅުވުމުން ވޭވަށުގެ ރައްޔިތުންނަށާއި ކައިރި ރަށްރަށުގެ ރައްޔިތުންނަށް ވަރަށް ބޮޑު ލުއި ފަސޭހައެއް ލިބޭނެ ކަމަށެވެ. އަދި މީގެ ކުރިން ލައިސަންސް ހެދުމަށް މާލެ ދާން ޖެހުމަކީ އެ ކަމަށް ވަރަށް ބޮޑު ހަރަދެއް ކުރަންޖެހޭ ކަމެއްކަން ފާހަގަ ކުރައްވަމުން ނިޝާން ވިދާޅުވީ މިހާރު އެ ހިދުމަތް މި ސަރަހައްދުން ލިބޭނެ ކަމަށެވެ.

ޓްރާންސްޕޯޓް މިނިސްޓްރީން ބުނި ގޮތުގައި އަލަން ހެދި މި ޓްރެކްގައި ޑްރައިވިން ޓެސްޓް ދިނުމުގެ އިތުރުން، ލައިސަންސް ކާޑު ހެދުމާއި އައު ކުރުމުގެ ހިދުމަތް ވެސް ލިބޭނެ އެވެ.

ރައީސް ޑރ. މުޙައްމަދު މުއިއްޒުގެ ސަރުކާރުގެ ވައުދުތަކުގެ ތެރޭގައި ހިމެނޭ ލާމަރުކަޒީ އުސޫލުން ހިދުމަތްތައް ފޯރު ކޮށްދިނުމުގެ ސިޔާސަތުގެ ދަށުން، ކުރިއަށް އޮތް އަހަރު ތެރޭގައި އިތުރު ރަށްރަށުގައި ވެސް މި ފަދަ ޓްރެކްތައް ހުޅުވުމަށް ވަނީ ރޭވިފަ އެވެ.

ޓްރާންސްޕޯޓު މިނިސްޓްރީ