މާލޭގައި މިއަދު ވެސް މާރާމާރީއެއް، ދެ މީހެއްގެ ގަޔަށް ވަޅި ޖަހައިފި

ކުއްލި ޚަބަރު

މާލޭގައި މިއަދު މާރާމާރީއެއް ހިންގައި ދެ މީހެއްގެ ގަޔަށް ވަޅި ޖަހައިފިއެވެ.

އެނގިފައިވާ ގޮތުގައި މިއަދު މާރާމާރީ ހިންގާފައި ވަނީ ހެންވޭރުގައި ހުންނަ ގޯޅިއެއްގައެވެ. އެ މާރާމާރީގައި ދެ މީހަކަށް އަނިޔާވެފައިވެއެވެ.

ފުލުހުންގެ މީޑިއާ އޮފިޝަލް "ވަގުތު" އަށް ވިދާޅުވީ، މިއަދު 12:45 އެހާކަންހާއިރު ޝަހީދް އަލީ މިސްކިތު ސަރަހައްދުގައި މާރާމާރީއެއް ހިނގި ކަމުގެ މައްސަލައެއް ފުލުހުންނަށް ރިޕޯޓް ކޮށްފައިވާ ކަމަށެވެ.

މި މާރާމާރީގައި ދެމީހަކު ޒަހަމްވެގެން އައިޖީއެމްއެޗް ހޮސްޕިޓަލަށް ފަރުވާ ދިނުމަށް ގެންދެވިފައިވާ ކަމަށް އޮފިޝަލް ވިދާޅުވިއެވެ. އަދި މި މައްސަލަ ތަހުގީގު ކުރަމުން އަންނަ ކަމަށް ވެސް އޮފިޝަލް ވިދާޅުވިއެވެ.

މިއަދު ވެސް މާލޭގައި މާރާމާރީ ހިންގާފައިވާއިރު، ދަރުބާރުގެ ކައިރީގައި ރޭ 10:30 ހާއިރު ހިންގި މާރާމާރީއެއްގައި އެކަކަށް ވަނީ އަނިޔާވެފައެވެ. އެ މައްސަލައިގައި ރޭ ދެ މީހަކު ހައްޔަރުކޮށްފައިވާއިރު، އިތުރު ދެ މީހުންނާއެކު މިހާރު ހަތަރު މީހަކު ވަނީ އެ މައްސަލައިގައި ހައްޔަރުކޮށްފައެވެ.

---