މިއަހަރުގެ އޭޕްރީލް މަހު އިމްޕޯޓާއި އެކްސްޕޯޓު ވެސް އިތުރު

މި އަހަރުގެ އޭޕްރީލް މަހު އިމްޕޯޓާއި އެކްސްޕޯޓު ވެސް އިތުރުވެފައިވާ ކަމަށް މޯލްޑިވްސް ކަސްޓަމްސް ސާވިސްގެ ހިސާބުތަކުން ދައްކައިފި އެވެ.

ކަސްޓަމްސްގެ ތަފާސްހިސާބުތައް ދައްކާ ގޮތުން އޭޕްރީލް މަހު ރާއްޖެއަށް 4.7 ބިލިއަން ރުފިޔާގެ މުދާ އެތެރެކޮށްފައިވެ އެވެ. އަދި މާޗު މަހު އެތެރެކުރީ 4.4 ބިލިއަން ރުފިޔާގެ މުދަލެވެ. މިއީ 300 މިލިއަން ރުފިޔާގެ އިތުރުވުމެކެވެ. މިދިޔަ މަހު އެކްސްޕޯޓުކޮށްފައިވަނީ 88 މިލިއަން ރުފިޔާގެ މުދަލެވެ.

އެ ގޮތުން އޭޕްރީލް މަހު ރާއްޖެއިން އެކްސްޕޯޓު ކުރީ 292 މިލިއަން ރުފިޔާގެ މުދަލެވެ. މާޗު މަހު ބޭރު ކުރި މުދަލުގެ އަގުހުރީ 204 މިލިއަން ރުފިޔާގަ އެވެ.

އެންމެ ގިނައިން އިމްޕޯޓުކުރި ގައުމުތަކަކީ:

ޔޫއޭއީ  (1.3 މިލިޔަން ރުފިޔާ)

އިންޑިއާ (735 މިލިޔަން ރުފިޔާ)

ޗައިނާ (472 މިލިޔަން ރުފިޔާ)

ސިންގަޕޫރު (425 މިލިޔަން ރުފިޔާ)

ސްރީލަންކާ (26 މިލިޔަން ރުފިޔާ)