ކާޅާއި ވާލުގެ މައްސަލަ ހައްލު ކުރަން މަޝްވަރާކޮށްފި

ގަހެއްގެ އޮފިގަނޑުގައި ތިބި ދެ ކާޅު --

ވާލާއި ކާޅު ފަދަ ދިރޭ ތަކެތީގެ ސަބަބުން ދަނޑުވެރީންނަށް ލިބޭ ގެއްލުން ތަކަށް ހައްލު ހޯދައިދިނުމަށް އެންވަރުމެންޓް ޕްރޮޓެކްޝަން އެޖެންސީ (އީޕީއޭ) އާއި އެކު އެގްރިކަލްޗާ މިނިސްޓްރީން މަޝްވަރާކޮށްފި އެވެ.

މިނިސްޓަރުގެ އިތުރުން ވުޒާރާގެ ކަމާ ގުޅުންހުރި ޑިޕާޓްމަންޓްގެ އިސްބޭފުޅުންމި ބައްދަލުވުމުގައި ބައިވެރިވެލެއްވި އެވެ.

މި ބައްދަލުވުމުގައި ވާލާއި ކާޅާ ގުޅޭ ގޮތުން އީޕީއޭ އިން ލަފާ ދިނީ ފުރަތަމަ ވާ އަދި ކާޅުގެ އަދަދު ބަލައި ދެނެގަތުމަށެވެ. އެއަށްފަހު، އެ އަދަދަށް ބެލުމަށްފަހު، އީޕީއޭއިން ޖަނަވާރުތައް ބެލެހެއްޓުމަށް އެންމެ ރަނގަޅު ގޮތަކީ ކޮބައިކަން ދެނެގަންނާނެ އެވެ. އަދި މި ތަކެތީގެ އުނދަގޫ ބޮޑުވެ، އިތުރު ގޮތެއް ނެތިއްޖެ ނަމަ، ކޮންޓްރޯލްކޮށްގެން މަދު ކުރުމަށް ވިސްނިދާނެ ކަމަށާއި ނަމަވެސް އެކަން ކުރާނީ އެންމެ ފަހު ކަމެއްގެ ގޮތުގައި ކަމަށް އީޕީއޭއިން ބުންޏެވެ.

އެގްރިކަލްޗާ މިނިސްޓްރީން ބުނީ މަގުސަދަކީ ދަނޑުވެރީންނަށް ދަނޑުވެރިކަން ކުރުމަށް ރައްކާތެރި މާހައުލެއް ހޯދައިދިނުން ކަމަށެވެ. އަދި އެއާއިއެކު އާންމު ސަލާމަތްތެރިކަން ޔަގީންކޮށް، ރަނގަޅަށް މައުލޫމާތު ލިބިގެން ރޭވުންތެރިކަމާއެކު ކަންކަން ބައްޓަން ކުރުން ކަމަށްވެސް ބުންޏެވެ.

އީޕީއޭ