މާފުށީ ޖަލުގެ ގައިދީންނަށް ހާއްސަ އިންމޭޓްސް ފުޓްސަލް ޓޯނަމަންޓު ފަށައިފި

މާފުށީ ޖަލުގައި ހުކުމް ތަންފީޒު ކުރަމުން އަންނަ ގައިދީންނަށް ހާއްސަކޮށް، "އިންމޭޓްސް ފުޓްސަލް ޓޯނަމަންޓު ފަށައިފ އެވެ.

"އިންމޭޓްސް ފުޓްސަލް ޓޯނަމަންޓު 2025"ގެ ނަމުގައި ކުރިޔަށް ގެންދާ މި ޓޯނަމަންޓް އިފުތިތާހުކޮށްދެއްވީ ޕްރޮސެކިއުޓާ ޖެނެރަލް އައްބާސް ޝަރީފު އެވެ.

މި ޓޯނަމަންޓު ކުރިއަށް ދަނީ ލީގު އުސޫލުން، އެންމެ ޕޮއިންޓް ގިނަ ދެ ޓީމު ފައިނަލްގައި ވާދަ ކުރާ ގޮތަށެވެ.

ގައިދީންނަށް ހާއްސަކޮށްގެން އިއްޔެ ފެށި މި ޓޯނަމަންޓުގައި ހަ ޓީމަކުން ބައިވެރިވެފައިވާއިރު، ކޮންމެ ޓީމެއްގައި 14 ކުޅުންތެރިންނާއި ފަސް އޮފިޝަލުން ހިމެނެއެވެ. މީގެ ތެރޭގައި އެކި ގައުމު ތަކުގެ ބައެއް ގައިދީންނާއެކު ޖުމުލަކޮށް 114 ގައިދީން ބައިވެރިވެފައިވެ އެވެ.

ކަރެކްޝަނުން ބުނި ގޮތުގައި މި ޓޯނަމަންޓުގެ މައިގަނޑު ބޭނުމަކީ ގައިދީންގެ މެދުގައި އެކުވެރިކަން އާލާކޮށް، ދުޅަހެޔޮ ސިއްހަތެއް ދެމެހެއްޓުމަށް ބާރުއެޅުމާއި ހުސް ވަގުތުތައް ބޭނުންތެރި، އުފާވެރި ގޮތެއްގެ ހޭދަކުރުމަށް ބާރު އެޅުމެވެ.

މި ރަސްމިއްޔާތުގައި ހޯމް މިނިސްޓަރު އަލީ އިހުސާން އާއި ކޮމިޝަނާ އޮފް ޕްރިޒަންސް ހަސަން ޒަރީރު އާއި ޑެޕިއުޓީ ކޮމިޝަނާ އޮފް ޕްރިޒަންސް އިބްރާހިމް މުޙައްމަދު ދީދީ ބައިވެރިވެވަޑައިގަތެވެ.

ކަރެކްޝަން ސާރވިސް ގައިދީން