އާއިލާތައް ބަދަހިވެ، ފުދުންތެރިކަން އިތުރުވީ ވަރަކަށް ގައުމުގެ ކުރިއެރުން ހަލުވި ވާނެ: ރައީސް

ރައީސް މުއިއްޒު ތުއްތު ކުއްޖަކާ ސަލާމް ކުރައްވަނީ --ފޮޓޯ/ ރައީސް އޮފީސް

ދިވެހި އާއިލާތަކުގެ ގުޅުން ބަދަހިވެ، ފުދުންތެރިކަން އިތުރުވީ ވަރަކަށް ގައުމުގެ ކުރިއެރުން ހަލުވިވެ، ކުރިމަގު އުޖާލާ ވާނެ ކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެ އެވެ.

އެ މަނިކުފާނު މިހެން ވިދާޅުވީ އާއިލާތަކުގެ ބައިނަލްއަގުވާމީ ދުވަހުގެ މުނާސަބަތާ ގުޅުވައިގެން ކުރެއްވި އެކްސް ޕޯސްޓެއްގަ އެވެ. އެ ޕޯސްޓުގައި ރައީސް ވަނީ، ދިވެހި ކޮންމެ އާއިލާ އަކަށް ފަހި ކަމާއި ފާގަތިކަމަށް އެދިވަޑައިގަންނަވާފަ އެވެ.

ރައީސް ވިދާޅުވީ އިސްލާމްދީނުގައި އެންމެ ބޮޑު އަހަންމިއްޔަތު ކަމެއް ދީފައިވަނީ އާއިލީ ގުޅުންތައް ހަރުދަނާ ކުރުމަށް ކަމަށެވެ.

"ދިވެހި އާއިލާތައް ބަދަހިވެ، ފުދުންތެރިވެ، ދިރިއުޅުމުގެ ފަސޭހަތައް އިތުރުވީ ވަރަކަށް ގައުމުގެ ކުރިއެރުން ހަލުވިވެ، ކުރިމަގު އުޖާލާވެގެންދާނެ، ދިވެހި ކޮންމެ އާއިލާއަކަށް ފާގަތި ދުވަސްތަކެއް ހޯދައި ދިނުމުގައި މާތް ﷲ ނަސްރާއި ކާމިޔާބީ މިންވަރު ކުރައްވާށި،" ރައީސްގެ ޕޯސްޓުގައިވެ އެވެ.

ރާއްޖެއަކީ ގައުމުގެ އިޖުތިމާއީ ތަރައްގީގައި އާއިލާ ތަކުގެ މުހިންމު ދައުރެއް އޮންނަކަން އަބަދުވެސް ގަބޫލުކުރާ ގައުމެކެވެ. އެ ގޮތުން ރާއްޖޭގެ ގައުމީ ތަރައްގީގެ ޕްލޭންތަކުގައި ސިޔާސަތުތައް ހިމެނުމުގައި އާއިލާ ތަކަށް އަމާޒުކޮށް މުހިންމު ފިޔަވަޅު ތަކެއް އަޅާފައިވެ އެވެ.

ރައީސް ޑރ މުޢިއްޒު