ރައީސް އޮފީހުން ކުރިއަށްގެންދާ އެގްޒެކެޓިވް ޑިވެލޮޕްމަންޓް ޕްރޮގްރާމް ފަށައިފި

ރައީސުލްޖުމްހޫރިއްޔާގެ އޮފީހުން ކުރިއަށްގެންދާ "އެގްޒެކެޓިވް ޑިވެލޮޕްމަންޓް ޕްރޮގްރާމް 2025-2027" މިއަދު ފަށައިފި އެވެ.

މި ޕްރޮގްރާމަކީ އަކީ ރައީސް އޮފީހުގެ ޕޮލިޓިކަލް އެފެއާޒް އޮފީސް (ޕީ.އޭ.އޯ) ގެ ޕޮލިޓިކަލް އެޕޮއިންޓީޒް ޕާފޯމަންސް މެނޭޖުމަންޓް (ޕީ.އޭ.ޕީ.އެމް) ޔުނިޓްގެ އިސްނެގުމަށް، ސިވިލް ސަވިސް ޓްރެއިނިން އިންސްޓިޓިއުޓް (ސީ.އެސް.ޓީ.އައި) އަދި ފޮރިން ސާވިސް އިންސްޓިޓިއުޓް އޮފް މޯލްޑިވްސް (ފޮސިމް) އާއި ގުޅިގެން ކުރިއަށް ގެންދާ ޕްރޮގްރާމެކެވެ.

މި ޕްރޮގްރާމުގެ ފުރަތަމަ ސެޝަން ކުރިއަށް ގެންގޮސްފައި ވަނީ ކިންގް ސަލްމާން މިސްކިތުގަ އެވެ.

މިއަދުގެ ފުރަތަމަ ސެޝަން ކުރިއަށް ގެންދަވާފައިވަނީ އަފީފް ހުސައިން އެވެ. އަފީފުގެ މައުލޫ ހާއްސަ ކުރައްވާފައިވަނީ "ލީޑިން އެންޑް ޓްރާންސްފޯމިން އަ ނޭޝަން ތްރޫ ސާވިސް އެކްސެލެންސް ކަލްޗާ" ނުވަތަ، ހިދުމަތުގެ ފެންވަރު ރަނގަޅު ކުރުމުގެ ސަގާފަތެއްގެ ތެރެއިން ގައުމުގެ ތަސައްވުރު ބަދަލު ކުރުމުގެ މައްޗަށެވެ.

މި ސެޝަންގައި ދައުލަތުގެ އެކި މިނިސްޓްރީ ތަކާއި އިދާރާ ތަކުގެ ގިނަ މުވައްޒަފުން ބައިވެރިވެވަޑައިގެންނެވި އެވެ.

އީޑީޕީ އަކީ ދައުލަތުގެ މުވައްޒަފުން، ސިޔާސީ ގޮތުން އައްޔަން ކުރެވޭ ބޭފުޅުން ހިމެނޭހެން، ޕާފޯމަންސް ހަރުދަނާ ކުރުމަށް އެކުލަވާލެވުނު ޕްރޮގްރާމެކެވެ.

މި ޕްރޮގްރާމްގެ ދަށުން، ހިންގުމުގެ ހުނަރުތައް ދަސްކޮށްދިނުމާއި، އިދާރާ ތަކުގެ މެދުގައި މުއާމަލާތް ކުރުމުގައި ހުރި ހިރާސްތައް ހަމަޖެއްސުމާއި، އިދާރީ އޮނިގަނޑަށް ގެނެވޭނެ ހެޔޮ ބަދަލު ތަކުގެ މައްޗަށް އަލިއަޅުވާލެވޭނެ އެވެ.

‎މި ޕްރޮގްރާމް ހިންގުމަށް ހަމަޖެހިފައި ވަނީ އިންޓަރެކްޓިވް ލެކްޗާ ތަކާއި، ސެމިނާ، އަދި މަސައްކަތު ބައްދަލުވުން ތަކާއި، ދާއިރާގެ ތަޖުރިބާކާރުންގެ ސެޝަން ތަކުގެ ޒަރީއާއިންނެވެ.