"ބިލްޑިން ދި ކެޕޭސިޓީ އޮފް އިމާމްސް އެންޑް ޕްރީޗާސް" ފަށައިފި

އިސްލާމިކް މިލިޓަރީ ކައުންޓާ ޓެރެރިޒަމް ކޯލިޝަން" (އައިއެމްސީޓީސީ) އާއި ރާއްޖޭގެ ނޭޝަނަލް ކައުންޓާ ޓެރެރިޒަމް ސެންޓާ (އެންސީޓީސީ) ގުޅިގެން އިމާމުންނާއި އިލްމުވެރިންނަށް ބާއްވާ ތަމްރީން ޕްރޮގްރާމް "ބިލްޑިން ދި ކެޕޭސިޓީ އޮފް އިމާމްސް އެންޑް ޕްރީޗާސް" ފަށައިފި އެވެ.

މި ޕްރޮގްރާމް ފެށުމުގެ ރަސްމިއްޔާތު ޝަރަފުވެރި ކޮށްދެއްވީ އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދެވެ.

މި ރަސްމިއްޔާތުގައި ސްޕޯޓްސް މިނިސްޓަރު ޢަބްދުﷲ ރާފިއު އާއި އިސްލާމިކް މިލިޓަރީ ކައުންޓާ ޓެރެރިޒަމް ކޯލިޝަންގެ ސެކްރެޓަރީ ޖެނެރަލް މޭޖާ ޖެނެރަލް މުޙައްމަދު ބިން ސައީދު އަލްމަޖީދީ ވެސް ބައިވެރިވެވަޑައިގެންނެވި އެވެ. މީގެ އިތުރުން، ރާއްޖެއާއި ރާއްޖެއިން ބޭރުގެ ކަމާ ގުޅުން ހުރި ބައެއް އިދާރާތަކުގެ އިސްވެރިން މި ރަސްމިއްޔާތުގައި ބައިވެރިވެވަޑައިގެންނެވި އެވެ.

މި ޕްރޮގްރާމް ފެށުމުގެ ރަސްމިއްޔާތުގައި މިނިސްޓަރު ޝަހީމް، ފާހަގަކުރެއްވި ގޮތުގައި އައިއެމްސީޓީސީ އާއި އެންސީޓީސީ ގުޅިގެން މި ބާއްވާ ޕްރޮގްރާމަކީ ޓެރަރިޒަމާއި ހައްދުފަހަނަ އެޅުމާ ދެކޮޅަށް މަސައްކަތް ކުރުމަށް ބޭނުންވާ މައުލޫމާތު ހިއްސާ ކުރުމަށް ވަރަށް މުހިންމު ފެށުމެއް ކަމުގަ އެވެ.

އައިއެމްސީޓީއެމްގެ ސެކްރެޓަރީ ޖެނެރަލްގެ ވާހަކައިގައި ވިދާޅުވީ މި ކޯލިޝަން އުފެއްދުމުގެ މައިގަނޑު މަގުސަދަކީ، ޓެރަރިޒަމާ ދެކޮޅަށް މަސައްކަތްކުރުމަށް، ކޯލިޝަންގައި ހިމެނޭ ގައުމުތައް ގުޅިގެން، އިލްމާއި، މީޑިއާއާއި، މާލީ ގޮތުންނާއި އަސްކަރީ ބާރުވެރިކަން އިތުރުކުރުމަށް މަސައްކަތްކުރުން ކަމުގައެވެ.