މެޑިސިން ކިޔަވާ ދަރިވަރުން ބްރޫނާއީގައި އިންޓާންޝިޕް ހެދުމުގެ ފުރުސަތު ހޯދަން މަޝްވަރާކޮށްފި

މެޑިސިން ދިވެހި ކިޔަވާ ދަރިވަރުންނަށް ބްރޫނާއީގައި އިންޓާންޝިޕް ހެދުމުގެ ފުރުސަތު ހޯދަން އެޑިއުކޭޝަން މިނިސްޓްރީން މަޝްވަރާކޮށްފި އެވެ.

މި މަޝަވަރާ ބައްދަލުވުން ކުރިއަށް ދިޔައީ މިހާރު ރާއްޖެ އައިސް އުޅޭ ބުރޫނާއީގެ ސިއްހީ ދާއިރާގެ ޓެކްނިކަލް އިބޭފުޅުން ތަކަކާ އެކުގަ އެވެ. އެ ޓީމުގައި ބްރޫނާއީގެ ޕްރައިމަރީ ހެލްތުކެއާ ގެ ޗީފް ކްލިނިކަލް ސްޕެޝަލިޓީ ސާވިސްގެ މަންދޫބުން ހިމެނެ އެވެ.

އެޑިއުކޭޝަން މިނިސްޓްރީން ބުނީ މި ބައްދަލުވުމުގައި ރާއްޖެ އާއި ބްރޫނާއީ އާ ދެމެދު ސިއްހީ ދާއިރާގެ އެއްބާރުލުން އިތުރު ކުރުމާއި ގުޅޭ ގޮތުން މަޝަވަރާ ކުރި ކަމަށެވެ.

އިންޓާންޝިޕް ފުރުސަތު ހޯދުމުގެ އިތުރުން، މި ބައްދަލުވުމުގައި މަޝްވަރާ ކުރި ކަންކަމުގެ ތެރޭގައި:

1. ޕްރައިމަރީ ހެލްތު ކެއާ ގެ ހިދުމަތް ހަރުދަނާ ކުރުން، ހާއްސަކޮށް އާބަން ޕްރައިމަރީ ހެލްތުކެއާ

2. ހަކުރުބަލި މެނޭޖު ކުރުމާއި ނަފުސާނީ ކަންކަމަށް ހާއްސަކޮށް ނަރުހުން ތަމްރީނު ކުރުން.

3. ކެންސަރަށް ފަރުވާ ދިނުމުގެ ހިދުމަތްތައް ތަރައްގީ ކުރުމުގައި އެހީތެރި ކަމާ އެއްބާރުލުން ހޯދުން.

4. ޕަބްލިކް ހެލްތާއި ގުޅުންހުރި މޯބައިލް އެޕްލިކޭޝަން ތައްޔާ ރުކުރުމަށް، އެކަމުގެ އިލްމާއި ތަޖުރިބާ ހިއްސާ ކުރުން.

5. ދުންފަތުގެ އިސްތިއުމާލު ކުރުން ހުއްޓާލުމަށް އެހީތެރިވެދޭ ކްލިނިކްތައް ( ޓޮބޭކޯ ސެޒޭޝަން ) ހިންގުމުގެ ސްޓްރެޓެޖީ ތަކާއި އެންމެ ރަނގަޅު އުސޫލުތައް ހިއްސާ ކުރުން.

ބުރޫނާއީގެ ޓީމުން ވަނީ މާލޭގައި ސިއްހީ ހިދުމަތްދޭ މުހިންމު ތަންތަނަށް ޒިޔާރަތްކޮށްފަ އެވެ.

އޭގެ ތެރޭގައި އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އާއި ދަމަނަވެށި އަދި ރާއްޖޭގެ ހެލްތްކެއާ އިންފްރާސްޓްރަކްޗާ އާއި ހިދުމަތް ފޯރުކޮށްދިނުމުގެ ކަންކަން ވަނީ ބަލާފަ އެވެ.