އޮސްޓްރޭލިއާގެ ބޮޑުވަޒީރަށް ރައީސް މުއިއްޒު، ތަހުނިޔާ ވިދާޅުވެއްޖެ

އޮސްޓްރޭލިއާގެ ބޮޑުވަޒީރު، އެންތަނީ އަލްބަނީޒް، އެ ގައުމުގެ ބޮޑުވަޒީރު ކަމުގެ މަގާމަށް ދެވަނަ ދައުރަކަށް އިންތިހާބުވެވަޑައިގަތުމާއި ގުޅުވައިގެން ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، އެ މަނިކުފާނަށް ތަހުނިޔާ ވިދާޅުވެއްޖެ އެވެ.

ރައީސް، އެކްސްގައި ކުރެއްވި ތަހުނިޔާގެ ޕޯސްޓުގައި އެ މަނިކުފާނަށް ވަރަށް ހޫނު މަރުހަބާއެއް ދަންނަވައި، ބޮޑުވަޒީރު އަލްބަނީޒްގެ މި ކާމިޔާބީއަކީ އޮސްޓްރޭލިއާ ރައްޔިތުން އެ މަނިކުފާނަށް ކުރައްވާ ބޮޑު އިތުބާރު ރަމްޒުކޮށްދޭ ކަމެއް ކަމުގައި ވިދާޅުވި އެވެ.

ރައީސް މުއިއްޒުގެ މެސެޖު ނިންމަވާލެއްވީ ރާއްޖެ އާއި އޮސްޓްރޭލިއާގެ ގުޅުން އިތުރަށް ބަދަހި ކުރުމުގެ އުންމީދު އައު ކުރައްވަމުންނެވެ.

އޮސްޓްރޭލިއާ އާއި ރާއްޖެއިން ދަނީ، މެރިޓައިމް ސެކިއުރިޓީ، ވިޔަފާރި، ޓްރާންސްނޭޝަނަލް ކްރައިމް އެންޑް ކްލައިމެޓް ޗޭންޖް، އަދި ކަނޑުތަކާއި ތިމާވެށި ހިމާޔަތް ކުރުމުގެ ދާއިރާއިން ގުޅިގެން މަސައްކަތް ކުރަމުންނެވެ.

މީގެއިތުރުން، ގާބިލުކަން އިތުރުކުރުމާއި، ތައުލީމީ ދާއިރާ އާއި، ދެމެހެއްޓެނިވި ގޮތެއްގައި ތިމާވެށީގެ ވަސީލަތްތައް މެނޭޖު ކުރުމުގައި އޮސްޓްރޭލިއާގެ ތަޖުރިބާ ހިއްސާ ކުރުމާއި، ސިވިލް ސޮސައިޓީ ހަރުދަނާކޮށް، ހިންގުމުގެ ގާބިލުކަން އިތުރު ކުރުމާއި އދ.ގެ ޕާޓްނަރުން މެދުވެރިކޮށް ކުރާ މަސައްކަތް ތަކުގެ ތެރެއިން ދެ ގައުމުން ދަނީ އެއްބާރުލުންދީ ގުޅިގެން މަސައްކަތް ކުރަމުންނެވެ.

ރައީސް ޑރ މުޢިއްޒު