އިގުތިސާދު ނަގައި، ކޮޅަށް ޖެހޭނީ މަސައްކަތްތެރީންގެ ހިތްވަރުން: މާރިޔާ

ޑރ. މަރިޔަމް މާރިޔާ: ފޮޓޯ/ ކޯޕަރޭޓް މޯލްޑިވްސް

ރާއްޖޭގެ އިގުތިސާދު ނަގާ ކޮޅަށް ޖަހައި، ދެމެހެއްޓޭނީ މަސައްކަތްތެރީންގެ ހިތްވަރުން ކަމުގައި ދަނޑުވެރިކަމާ ބެހޭ ވަޒީރު ޑރ. މަރިޔަމް މާރިޔާ ވިދާޅުވެއްޖެ އެވެ.

އެ ކަމަނާ މިހެން ވިދާޅުވީ މަސައްކަތްތެރީންގެ ދުވަހުގެ މުނާސަބާގައި މިއަދު ދެއްވި މެސެޖެއްގަ އެވެ.

ދިވެހި މަސައްކަތްތެރީންނަށް އިޝާރާތް ކުރައްވާ މާރިޔާ، ވިދާޅުވީ އަހަރެމެން ފަހުރުވެރިވާ ފަދަ ގައުމެއް ބިނާ ކުރެވޭނީ މަސައްކަތްތެރީންގެ ހިވާގި ކަމާއި، ވަފާތެރި ކަމާ އެކު ކުރާ ބުރަ މަސައްކަތުން ކަމަށެވެ.

"ދަނޑުވެރިކަމާއި، ފަތުރުވެރިކަމާއި، މަސްވެރިކަމާއި، ސިއްހީ ދާއިރާގައި، ތައުލީމީ ދާއިރާގައި ނުވަތަ އެހެނިހެން ކޮންމެ ދާއިރާއެއްގައި މަސައްކަތް ކުރައްވާ ބޭފުޅުންނަށް މި އަދަކީ ހާއްސަ ދުވަހެއް،" މާރިޔާ ވިދާޅުވި އެވެ.

މިނިސްޓަރު މާރިޔާ ވިދާޅުވީ މިއަދަކީ މަސައްކަތްތެރީންނަށް ހާއްސަ ދުވަހެއްކަމުން، މިއަދު ހުރިހާ މަސައްކަތްތެރީން ވެސް އަރާމު ކުރާނެ ކަމަށް އުންމީދު ކުރައްވާ ކަމަށެވެ.

ކޮންމެ އަހަރެއްގައި ވެސް މޭ މަހުގެ އެއް ވަނަ ދުވަހަކީ މަސައްކަތްތެރީންގެ ދުވަހުގެ ގޮތުގައި ކަނޑައަޅައި، އެ ދުވަހަކީ ސަރުކާރު ބަންދު ދުވަހެއްގެ ގޮތުގައި ވަނީ ހަމަޖައްސާފަ އެވެ.

ޑރ. މަރިޔަމް މާރިޔާ