މެލޭޝިއާ ދަތުރަކީ ދެ ގައުމުގެ ގުޅުން ބަދަހިކުރުމަށް އެޅުނު މުހިންމު ފިޔަވަޅެއް: ޒަމީރު

ފިނޭންސް މިނިސްޓަރު މޫސާ ޒަމީރު -- ފޮޓޯ/ ރައީސް އޮފީސް

އެމަނިކުފާނު މެލޭޝިއާއަށް ކުރެއްވި ދަތުރުފުޅަކީ ރާއްޖެއާއި މެލޭޝިއާގެ ގުޅުން ބަދަހި ކުރުމަށް އެޅުނު މުހިންމު ފިޔަވަޅެއް ކަމުގައި ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.

މެލޭޝިޔާގެ ބޮޑުވަޒީރު އަންވަރު ބިން އިބްރާހިމްގެ ދައުވަތަކަށް މިމަހުގެ 27 އިން 30 އަށް ރައީސް ޑރ. މުޙައްމަދު މުއިއްޒު މެލޭޝިއާއަށް ކުރެއްވި ރަސްމީ ދަތުރުފުޅުގައި ޒަމީރު ވެސް ބައިވެރިވެވަޑައިގެންނެވި އެވެ.

ޒަމީރު ވިދާޅުވީ މި ދަތުރަކީ ދެ ގައުމުގެ ގުޅުން ބަދަހި ކުރުމަށް ލިބުނު މުހިންމު ފުރުސަތެއް ކަމަށާއި، ދަތުރުގައި މަތީ ފެންވަރުގެ މަޝްވަރާ ތަކާއި، އެއްބާރުލުން ދިނުމާއި ގުޅުންހުރި އެއްބަސްވުން ތަކުގައި ސޮއި ކުރައްވައި އެކްސްޗޭންޖް އޮފް ނޯޓްސް (އީއޯއެން) ވެސް ބަދަލުކުރެވިފައިވާ ކަމަށެވެ.

މީގެ އިތުރުން މޯލްޑިވްސް-މެލޭޝިއާ ބިޒްނަސް ފޯރަމް 2025 ގައި ތަގުރީރު ކުރައްވަމުން ރައީސް މުއިއްޒު ވަނީ ރާއްޖޭގައި އުފެދިފައިވާ ވިޔަފާރީގެ އާ ފުރުސަތު ތަކުގެ ބޭނުން ކުރެއްވުމަށް މެލޭޝިއާގެ އިންވެސްޓަރުންނަށް ގޮވާލައްވާފައި ކަމަށްވެސް އެ މަނިކުފާނު ވިދާޅުވި އެވެ.

އަދި މި ދަތުރުގެ ތެރެއިން މެލޭޝިއާގައި ދިރިއުޅޭ ދިވެހި ރައްޔިތުންނާ ބައްދަލު ކުރައްވައި، އެ ގައުމުގައި ދިވެހި އައިޑީ ކާޑު އަދި އީ-ޕާސްޕޯޓުގެ ހިދުމަތްތައް ވެސް ތައާރަފު ކޮށްދެއްވާފައިވާކަން ޒަމީރު ފާހަގަ ކުރެއްވި އެވެ.

މޫސާ ޒަމީރު