ރައުދުގެ ބަންދަށް އިތުރު 10 ދުވަސް

މާލޭ ގެއެއްގެ ފުރާޅުމައްޗަށް ވެއްޓިފައި އޮއްވާ ފެނުނު އަންހެންކުއްޖާއާއެކު އެވަތު އުޅުނު، ގ. އެރިޔަދޫ، ރައުދު އަހްމަދު ޒިލާލް، 21، ގެ ބަންދަށް އިތުރު 10 ދުވަސް ކްރިމިނަލް ކޯޓުން ޖަހައިފި އެވެ.

ކޯޓު އަމުރެއްގެ ދަށުން ރައުދު ހައްޔަރުކުރީ މިމަހުގެ 24 ގައެވެ. އޭގެ އަނެއް ދުވަހު، ކްރިމިނަލް ކޯޓުން ހާޒިރު ކުރުމުން އޭނާގެ ބަންދަށް ފުރަތަމަ ޖެހީ ފަސް ދުވަހެވެ. އެ މުއްދަތު މިއަދަށް ހަމަވުމާއެކު އިތުރު 10 ދުވަސް އެނާގެ ބަންދަށް ވަނީ އިތުރުކޮށްފަ އެވެ.

ރައުދު ހައްޔަރުކުރީ ޔުމްނު ވެއްޓުމުގައި އޭނާގެ ބައިވެރިވުން އޮތް ކަމަށް ފުލުހުންނަށް ތުހުމަތު ކުރެވޭތީ އެވެ. އަދި ޔުމްނު ވެއްޓުނުކަން އެނގިހުރެ، ކަމާބެހޭ ފަރާތް ތަކަށް ނާންގައި އެތަން ދޫކޮށްދިއުމާއި ޖިންސީ ގޯނާގެ ތުހުމަތާއި މަސްތުގެ ހާލަތުގައި ހުރިކަމުގެ ތުހުމަތު ވެސް އޭނާގެ މައްޗަށް ކުރެ އެވެ.

މިމަހުގެ 18 ވަނަ ދުވަހުގެ ފަތިހު، ހ. ފެންޓެނޯއީގޭގެ ނުވަ ވަނަ ބުރީގެ ކުޑަދޮރަކުން ވެއްޓުނީ ގ. ރަނައުރާގެއާގެ، ހައްވާ ޔުމްނާ ރަޝީދު، 21، އެވެ. އޭނާ ވެއްޓީފައި އޮތީ އެ ގެއާ ޖެހިގެން ހުރި ހ. މިޓާޒްގޭގެ ފުރާޅު މައްޗަށެވެ.

ފުލުހުން