ޒުވާނުންގެ ކަންބޮޑުވުންތައް އަޑުއައްސާވާނެކަމުގެ ޔަގީންކަން ރައީސް ދެއްވައިފި

ޒުވާނުންގެ ކަންބޮޑުވުންތަކާއި، ޝަކުވާތަކާއި، ޝުއޫރުތައް އަޑުއައްސަވާނެކަމުގެ ޔަގީންކަން ރައީސް ޑރ. މުޙައްމަދު މުއިއްޒު ދެއްވައިފި އެވެ.

މެލޭޝިއާއަށް ކުރައްވާ ރަސްމީ ދަތުރުފުޅުގައި ފުރާވަޑައިގަތުމުގެ ކުރިން، މިއަދު، ވީއައިއޭގައި ދެއްވި ބަސްދީގަތުމެއްގައި އެމަނިކުފާނު ވަނީ، ޒުވާނުންގެ ކަންބޮޑުވުންތައް އަޑުއެއްސެވުމަށް ދެއްވާ އަހަންމިއްޔަތު ހާމަ ކުރައްވާފަ އެވެ.

އެ މަނިކުފާނަށް އެންމެ މުހިންމީ، ރައްޔިތުން އެ މަނިކުފާނަށް ކުރި އިތުބާރާއި ކުރެއްވި ހުވާ ކަމަށާއި، އެ މަނިކުފާނުގެ މައްޗަށް ނުފޫޒު ފޯރުވޭނޭ އެއްވެސް ފަރާތެއް ނުހުންނާނޭ ކަމަށް ރައީސް ވިދާޅުވިއެވެ.

ރައްޔިތުންގެ ކަންވޮޑުވުން ތަކާއި ޝުއޫރުތައް އަޑުއެއްސެވުމުގައި ފަސްޖެހިވަޑައިނުގަންނަވާނޭ ކަމަށާއި، އެ ކަންބޮޑުވުންތައް އަޑުއައްސަވާނީ ވެސް، އެ ކަންބޮޑުވުން ތަކަށް ޖަވާބުދާރީވެ، ވަޑައިގަންނަވާނީ ވެސް، އަދި އެ ކަންކަމާ ގުޅޭ ފިޔަވަޅުތައް އަޅުއްވާނީ ވެސް ތަހުޒީބުކަމާ އެ ކުގައިކަމަށް އެ މަނިކުފާނު ވިދާޅުވި އެވެ.

އެ އެމަނިކުފާނު ވަނީ، ޒުވާނުންގެ ކަންބޮޑުވުންތަކާއި ޖަޒުބާތުގެ ނާޖާއިޒު ފައިދާ ނަގައި، އެ ޝުއޫރުތައް ބޭނުން ކޮށްގެން ސިޔާސީ ގޮތުން ގައުމުގައި ހަލަބޮލިކަން އުފައްދަން އުޅޭ ފަރާތް ތަކަށް އެ ފުރުސަތު ނުދިނުމަށް އިލްތިމާސް ކުރައްވާފަ އެވެ.

ފަރުދީ އަދި ޖަމާއީ ފެންވަރުގައި ވެސް ދިވެހީންނަށް މަސްލަހަތު އޮތް ގޮތަކީ، ގައުމުގައި ހަމަޖެހުން ގާއިމުވެފައި އޮތުންކަން ހަނދާންކޮށްދެއްވަމުން، އެކަން ކަށަވަރު ކުރުމަކީ ކޮންމެ ރައްޔިތެއްގެ ވެސް ޒިންމާއެއް ކަމުގައި އެ މަނިކުފާނު ވަނީ ވިދާޅުވެފަ އެވެ.