އަންހެންކުއްޖަކު ވެއްޓުން: ނުވަ މީހެއްގެ ފޯނު ހިފަހައްޓައިފި

މި މަހުގެ 18 ވަނަ ދުވަހުގެ ފަތިހު، މާލޭ ގެއެއްގެ ފުރާޅު މައްޗަށް ގަލޮޅު ރަނައުރާގެއާގެ، ހައްވާ ޔުމްނު ރަޝީދު ވެއްޓުނު މައްސަލައިގައި ނުވަ މީހެއްގެ ފޯނު ފުލުހުން ހިފަހައްޓައިފި އެވެ.

ފުލުހުން މީޑިއާ ތަކަށް ފޮނުވި މެސެޖުގައި ބުނީ އޭޕްރިލް 18 ވަނަ ދުވަހު ހ. މިޓާޒް ގޭގެ ފުރާޅު މައްޗަށް އަންހެނަކު ވެއްޓުނު މައްސަލައާ ގުޅިގެން ފޯނު ހިފެހެއްޓުމުގެ އަމުރު ނަގާފައިވާ އެންމެންގެ ފޯނު މިހާރު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ. އެއީ ޖުމުލަ ނުވަ މީހެއްގެ ފޯނެވެ.

ޔުމްނު ރަޝީދު، 21، ވެއްޓުނީ ހ. ފެންޓެނޯއީ ގޭގެ ނުވަ ވަނަ ބުރީގެ ފެންލައިޓަކުން، އެ ގެއާ ޖެހިގެން ހުރި ހ. މިޓާޒްގޭގެ ފުރާޅު މައްޗަށެވެ.

ފުލުހުން މިހާރު ވަނީ ޔުމްނު އާއެކު އުޅުނު އެންމެންގެ ޕާސްޕޯޓު ހިފަހައްޓައި ފުރުން މަނާކޮށްފަ އެވެ.

ފުރުން މަނާ ކުރި މީހުންނަކީ:

1. ރައުދު އަހުމަދު ޒިލާލް، ގ. އެރިއަދޫ

2. އާއިޝަތު ލަޔާލީ އިގުބާލު، ގ. ނޯތުބްރީޒް

3. އިޒުދިޔާން މުހައްމަދު މައުމޫން، މއ. މާންދޫގެދެކުނުގެ

4. ޔޫސުފް އަހުމަދު އަކްރަމް، މއ. މާންދޫގޭދެކުނުގެ

5. ޔޫސުފް ޔައްސާރު އަބްދުލްޣަފޫރު، ހ. މީނާޒު

6. އާމިނަތު ޖުނެއިނާ ޖަމްޝީދު، މ. ތިލަފަޅު

7. ހުސެއިން ހަމީސް އަލީ، ނ. ވެލިދޫ، އަހި

8. އިޖާޒް ޖާއިޒް، ގދ. ފަރެސްމާތޮޑާ، މާތޮޑާއަވަށް، އޭޕްރީލް

މި ހާދިސާއާ ގުޅިގެން މިހާރު ވަނީ އެކަކު ހައްޔަރުކޮފަ އެވެ. އެއީ ޔުމްނު ވެއްޓުނު ރޭ އޭނާއާއެކު އެ ގޭ ތެރޭގައި އުޅުނު، ގ. އެރިޔަދޫ، ރައުދު އަހްމަދު ޒިލާލް، 21، އެވެ. އޭނާގެ ބަންދަށް ފަސް ދުވަސް ކްރިމިނަލް ކޯޓުން ޖަހައިދީފައިވެ އެވެ.