5 މިލިއަން ގަސް ޕްރޮގްރާމްގެ އޮފިޝަލުން ޗައިނާގެ ނާސަރީތަކަށް ޒިޔާރަތްކޮށްފި

ރާއްޖޭގައި ފަސް މިލިއަން ގަސް އިންދުމުގެ ޕްރޮގްރާމްގެ އޮފިޝަލުން، ޗައިނާއަށް ކުރައްވަމުންދާ ދަތުރުފުޅުގައި ފުޖިއަން އަދި ޒަންގްޒޯ ސިޓީ ތަކުގެ ނާސަރީ ތަކަށް ޒިޔާރަތް ކުރައްވައިފި އެވެ.

މިއީ ރާއްޖޭގައި ފަސް މިލިއަން ގަސް އިންދުމުގެ މަޝްރޫއުގެ ތެރެއިން ކުރެވޭ ދަތުރެކެވެ.

ޓޫރިޒަމް މިނިސްޓްރީން ބުނީ ޑެޕިއުޓީ މިނިސްޓަރު އަހުމަދު އަތީފް އިސްކޮށް ހުންނަވައިގެން ކުރައްވާ މި ދަތުރުފުޅުގައި، ޗައިނާގެ ގަސް އިންދުމާއި ބެލެހެއްޓުމުގެ ދާއިރާގައި ކުރިއަރާފައިވާ ޓެކްނޮލޮޖީ ތަކާއި އުކުޅުތައް ދެނެގަތުމަށް މަސައްކަތް ކުރައްވާނެ ކަމަށެވެ.

ފުޖިއަން އަދި ޒަންގްޒޯ ސިޓީ ތަކުގެ ނާސަރީ ތަކަށް ކުރި ޒިޔާރަތުގައި، ދިވެހި ވަފުދުން އެ ތަންތަނުގައި ގަސް އުފައްދާ ގޮތާއި، ބަލަހައްޓާ ގޮތުގެ މައުލޫމާތު ހޯދާފައިވެ އެވެ. މީގެ އިތުރުން، ރާއްޖޭގެ މޫސުމާ ގުޅޭ ގަސްތައް އުފެއްދުމާ ގުޅޭގޮތުން މަޝްވަރާ ކުރެއްވި އެވެ.

މިނިސްޓްރީން ބުނިގޮތުގައި މި ސަރުކާރުން ތިމާވެށި ހިމާޔަތް ކުރުމަށް ދެމުން އަންނަ އަހައްމިއްޔަތު ކަމުގެ ތެރެއިން ކުރިއަށް ގެންދާ ފަސް މިލިއަން ގަސް ޕްރޮގްރާމަށް މި ދަތުރުން ލިބޭނެ މައުލޫމާތާއި ތަޖުރިބާ މުހިންމުވާނެ ކަމަށް ބެލެވެ އެވެ.

އަދި މި ދަތުރުގެ ސަބަބުން ދެ ގައުމުގެ ދެމެދުގައި އޮތް ގުޅުން އިތުރަށް ބަދަހިވެ، ތިމާވެށީގެ ދާއިރާއިން އެއްބާރުލުން އިތުރުވެގެން ދާނެ ކަމަށް ވެސް މިނިސްޓްރީން އުއްމީދު ކުރެވެ އެވެ.

ޓޫރިޒަމް މިނިސްޓަރ