އިތުރު ފަރުވާއަށް ސަރުކާރުގެ ހަރަދުގައި ޔުމްނު މެލޭޝިއާއަށް ފޮނުވަނީ

ފޮޓޯ/ ނުކުތާ

މާލޭ ގެއެއްގެ ފުރާޅުމައްޗަށް ވެއްޓިފައި އޮއްވާ ފެނުނު، ގ. ރަނައުރާގެއާގެ، ހައްވާ ޔުމްނާ ރަޝީދު، 21، އިތުރު ބޭސް ފަރުވާއަށް ސަރުކާރުގެ ހަރަދުގައި މެލޭޝިޔާއަށް ފޮނުވަން ނިންމައިފި އެވެ.

ޔުމްނުގެ އާއިލާއިން މީޑިއާއަށް މައުލޫމާތު ދެމުން ބުނީ އޭނާ އިތުރު ފަރުވާއަށް މެލޭޝިޔާއަށް ގެންދިޔުމުގެ ހުރިހާ ކަމެއް ހަމަޖެހިފައިވާ ކަމަށެވެ. ބޭސްފަރުވާގެ ކަންކަން ހަމަޖައްސާފައި ވަނީ އެންސްޕާ މެދުވެރިކޮށެވެ. ފުލައިޓެއް ޗާޓަރު ކޮށްގެން ނަމަވެސް ޔުމްނު މެލޭޝިއާއަށް ގެންދިއުމަށް މަސައްކަތް ކުރަމުން އަންނަ ކަމަށް ވެސް އާއިލާ އިން ބުނެފައިވެއެވެ.

މި މައުލޫމާތު ދިނީ ޔުމްނުގެ އާއިލާގެ ފަރާތުން، މައުލޫމާތު ދިނުމަށް ހުއްދަ ދީފައިވާ ކަމަށް ބުނާ ޔުމްނުގެ ދައްތަގެ ފިރިމީހާ މޫމިން މައުމޫން ކިޔާ މީހެކެވެ.

މިމަހުގެ 18 ވަނަ ދުވަހުގެ ފަތިހު، ހ. ފެންޓެނޯއީގޭގެ ނުވަ ވަނަ ބުރިން ޔުމްނު ވެއްޓުނީ، އެ ގެއާ ޖެހިގެން ހުރި ހ. މިޓާޒްގޭގެ ފުރާޅު މައްޗަށެވެ.

ޔުމްނު ވެއްޓުނު ރޭ އޭނާއާއެކު އުޅުނު ގ. އެރިޔަދޫ، ރައުދު އަހްމަދު ޒިލާލް، 21، ހައްޔަރުކޮށް، އޭނާގެބަންދަށް ފަސް ދުވަސް ކްރިމިނަލް ކޯޓުން ވަނީ ޖަހައިފަ އެވެ.

ލިބިފައިވާ އަނިޔާގެ ބޮޑުކަމުން ޔުމްނު ބާއްވާފައި އޮތީ ވެންޓިލޭޓަރުގަ އެވެ. އެކަމަކު، މިހާރު ވަނީ ވެންޓިލޭޓަރުން ނަގާފަ އެވެ. ނަމަވެސް އަދިވެސް ހާލު ސީރިއަސް އެވެ.

ފުލުހުން