ފުރާޅުމައްޗަށް ވެއްޓުނު އަންހެން ކުއްޖާއާއެކު އުޅުނު މީހުންގެ ޕާސްޕޯޓު ހިފަހައްޓައިފި

މާލޭ ގެއެއްގެ ފުރާޅުމައްޗަށް ވެއްޓިފައި އޮއްވާ މިދިޔަ ހުކުރު ދުވަހުގެ ފަތިހު، ފެނުނު އަންހެންކުއްޖާއާއެކު އުޅުނު އެންމެންގެ ޕާސްޕޯޓު ހިފަހައްޓައި ފުރުން މަނާކޮށްފި އެވެ.

ގަލޮޅު ރަނައުރާގެއާގެ، ޔުމްނު ރަޝީދު، 21، ފުރާޅެއްގެ މައްޗަށް ވެއްޓިފައި އޮއްވާ ފެނުނީ މިދިޔަ ހުކުރު ދުވަހުގެ ފަތިހު އެވެ. އޭނާ ވެއްޓުނީ ހ. ފެންޓެނޯއީ ގޭގެ ނުވަ ވަނަ ބުރީގެ ފެންލައިޓަކުން، އެ ގެއާ ޖެހިގެން ހުރި ހ. މިޓާޒްގޭގެ ފުރާޅު މައްޗަށެވެ.

ފުރުން މަނާ ކުރި މީހުންނަކީ:

1. ރައުދު އަހުމަދު ޒިލާލް، ގ. އެރިއަދޫ

2. އާއިޝަތު ލަޔާލީ އިގުބާލު، ގ. ނޯތުބްރީޒް

3. އިޒުދިޔާން މުހައްމަދު މައުމޫން، މއ. މާންދޫގެދެކުނުގެ

4. ޔޫސުފް އަހުމަދު އަކްރަމް، މއ. މާންދޫގޭދެކުނުގެ

5. ސުފް ޔައްސާރު އަބްދުލްޣަފޫރު، ހ. މީނާޒު

6. އާމިނަތު ޖުނެއިނާ ޖަމްޝީދު، މ. ތިލަފަޅު

7. ހުސެއިން ހަމީސް އަލީ، ނ. ވެލިދޫ، އަހި

8. އިޖާޒް ޖާއިޒް، ގދ. ފަރެސްމާތޮޑާ، މާތޮޑާއަވަށް، އޭޕްރީލް

މިއަދު ފުލުހުން ބޭއްވި ޕްރެސް ކޮންފަރެންސުގައި ސީޕީ އަލީ ޝުޖާއު ވިދާޅުވީ، ތަހުގީގުގެ ތެރެއިން އެމީހުން ދިޔަ ތަންތަން ބަލައި ފާސްކުރަމުން އަންނަ ކަމަށެވެ.

ޝުޖާއު ވިދާޅުވީ، މި ހާދިސާއާ ގުޅިގެން މިހާތަނަށް ޔުމްނާ އަދި ރައުދު ޑުރަގަށް ޓެސްޓުކޮށްފައިވާ ކަމަށެވެ. އަދި އެ ދެ މީހުންވެސް ޑުރަގަށް ޕޮޒިޓިވްވެފައިވާ ކަމަށާއި އެކަމަކު މައްސަލައިގައި ހިމެނޭ އިތުރު މީހުން ކުޑަކަމުދާ ތަކެތި ދިނުމަށް އިންކާރުކޮށްފައިވާތީ، އެ މީހުން އަދި ޓެސްޓުކުރެވިފައި ނުވާކަމަށެވެ.