ކުޑަކުއްޖަކާ ބެހުނު މީހެއްގެ މައްޗަށް 54 އަހަރުގެ ޖަލު ހުކުމެއް އިއްވައިފި

ކްރިމިނަލް ކޯޓު: ފޮޓޯ/ އަވަސް

ކުޑަކުއްޖަކަށް ޖިންސީ ގޯނާ ކުރި މީހެއްގެ މައްޗަށް ކުށްސާބިތުވެ، 54 އަހަރުގެ ޖަލު ހުކުމެއް ކްރިމިނަލް ކޯޓުން އިއްވައިފި އެވެ.

އުމުރުން 51 އަހަރުގެ ދިވެހި ފިރިހެއްގެ މައްޗަށް މި ހުކުމް އިއްވީ އިތުބާރު ކުރެވޭ މަގާމެއްގައި ހުރެ، ކުޑަ އަންހެން ކުއްޖަކާމެދު، އެކި ދުވަސްމަތިން ގަދަކަމުން ޖިންސީ އަމަލު ހިންގައި އަދި އޭނާގެ ޖިންސީ ގުނަވަނުގައި ކުއްޖާ ލައްވައި ގަދަކަމުން އަތްލުވައި ޖިންސީ އަމަލު ހިންގި މައްސަލައިގަ އެވެ.

އޭނާ ބަންދުގައި ތިން އަހަރު ހުރުމުން، އިތުރަށް ތަންޒީފު ކުރާން ޖެހެނީ 51 އަހަރުގެ ޖަލު ހުކުމް ކަމަށް ހުކުމުގައިވެ އެވެ.

މި މައްސަލައާ ގުޅިގެން އޭނާ ހައްޔަރުކޮށްފައި ވަނީ 2022 ސެޕްޓެމްބަރު ތިން ވަނަ ދުވަހުގެ ރޭ ހުޅުމާލެ ދެ ވަނަ ފޭހުންނެވެ.

ފުލުހުން މައްސަލައިގެ ތަހުގީގު ނިންމައި ދައުވާ ކުރުމަށް ޕްރޮސިކިއުޓާ ޖެނެރަލްގެ އޮފީހަށް ފޮނުވާފައި ވަނީ 2022 އޮކްޓޫބަރު 18 ވަނަ ދުވަހު އެވެ.

ކްރިމިނަލް ކޯޓު ކުޑަކުދިގެ މައްސަލަތައް