ސިވިލް ސާވިސް ކޮމިޝަނުގެ މެންބަރުކަމަށް މުޖްތާޒް، އައްޔަން ކުރައްވައިފި

ސިވިލް ސާވިސް ކޮމިޝަންގެ މެންބަރު ކަމަށް މުޖްތާޒް އައްޔަން ކުރެއްވުން --

ސިވިލް ސާވިސް ކޮމިޝަނުގެ މެންބަރުކަމަށް މއ. ސިގްމާ އަލްއުސްތާޒު މުޙައްމަދު މުޖްތާޒް، ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، އައްޔަންކުރައްވައިފި އެވެ.

ރައީސް، މި މަގާމަށް މުޖުތާޒު އައްޔަން ކުރެއްވީ (ދިވެހި ސިވިލް ސާވިސްގެ ގާނޫނު) ގެ 13 ވަނަ މާއްދާގައިވާ ގޮތުގެ މަތީންނެވެ.

މި ކަމަށްޓަކައި ބޭއްވި ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގަ އެވެ.

ސިވިލް ސާވިސް ކޮމިޝަންގެ މެންބަރުކަމަށް އައްޔަން ކުރެއްވުމުގެ ކުރިން، މުޖްތާޒް، ކޮމިޝަންގެ މެންބަރު ކަމުގެ ހުވައި، ސުޕްރީމް ކޯޓުގެ ފަނޑިޔާރު އޮނަރަބަލް އަލްއުސްތާޒު ހުސައިން ޝަހީދުގެ ކުރިފުޅުމަތީގައި ކުރެއްވިއެވެ.

މުޖްތާޒަށް ހުވައި ލައިދެއްވީ، ފަނޑިޔާރު އަލްއުސްތާޒު ހުސައިން ޝަހީދެވެ. އަދި، ސިވިލް ސާވިސް ކޮމިޝަންގެ މެންބަރު ކަމަށް އައްޔަންކުރެއްވި ކަމުގެ ލިޔުން، ރައީސުލްޖުމްހޫރިއްޔާ މި ރަސްމިއްޔާތުގައ މުޖްތާޒާ ހަވާލު ކުރެއްވި އެވެ.

މުޙައްމަދު މުޖްތާޒަކީ މޯލްޑިވްސްކޮލެޖް އޮފް ހަޔާ އެޑިއުކޭޝަނުން ބެޗްލާ އޮފް ލޯ ހާސިލު ކުރައްވައިގެން ހުންނެވި ބޭފުޅެކެވެ. އަދި އެމަނިކުފާނު ވަނީ ރައީސުލްޖުމްހޫރިއްޔާގެ އޮފީހުގެ މިނިސްޓާ އޮފް ސްޓޭޓް ފޯ ޕްރެޒިޑެންޝަލް އެފެއާޒްގެ މަގާމާއި، ރައްޔިތުންގެ މަޖިލީހުގެ މެންބަރުކަމާއި އަދި އެނޫންވެސް އިސް މަގާމުތައް ފުރުއްވާފަ އެވެ.

ރައީސް ޑރ މުޢިއްޒު ސިވިސް ސާވިސް ކޮމިޝަން