އިޒްރޭލުގެ ޕާސްޕޯޓުގައި ރާއްޖެ އެތެރެވުން މަނާކޮށް އިމިގްރޭޝަނުން ޓްރެވަލް އެޑްވައިޒަރީ ނެރެފި

ވީއައިއޭގައި ގިނަ އަދަދެއްގެ ފަތުރުވެރީން -- ފޮޓޯ/ އަވަސް

އިސްރާއީލުގެ ޕާސްޕޯޓުގައި ރާއްޖެއަށް އެތެރެވުން މަނާ ކުރުމާ ގުޅިގެން މޯލްޑިވްސް އިމިގްރޭޝަނުން ޓްރެވަލް އެޑްވައިޒަރީ ނެރެފި އެވެ.

ގައްޒާގެ މުސްލިމުންނަށް ދެމުން އަންނަ ލާއިންސާނީ ހަމަލާތަކާ ގުޅުވައިގެން އިސްރާއީލުގެ ޕާސްޕޯޓުގައި ރާއްޖެއަށް އެތެރެވުން މަނާކުރުމަށް އިމިގްރޭޝަންގެ ގާނޫނަށް ރައްޔިތުންގެ މަޖިލީހުން ގެނައި އިސާލާހު ރައީސް މުއިއްޒު ވަނީ ތަސްދީގު ކުރައްވާފަ އެވެ. އެހިނދުން ފަށައިގެން ރާއްޖެއަށް އިސްރާއީލުގެ ޕާސްޕޯޓުގައި އެއްވެސް މީހަކަށް އެތެރެވުން ވަނީ މަނާވެފަ އެވެ.

މިކަމާ ގުޅުވައިގެން އިމިގްރޭޝަނުން ނެރުނު ޓްރެވަލް އެޑްވައިޒަރީގައި ވާގޮތުން މި އަހަރުގެ އޭޕްރީލް މަހުގެ 15 ވަނަ ދުވަހުން ފަށައިގެން އިސްރާއީލުގެ ޕާސްޕޯޓުގައި ރާއްޖެއަށް އެއްވެސް މީހަކު އައުމަކީ މަނާ ކަމެކެވެ.

އިސްރާއިލު ޕާސްޕޯޓު މަނާ ކުރުމަށް ރާއްޖެއިން ނިންމި ނިންމުމާ ގުޅިގެން ދުނިޔޭގެ ސަމާލުކަން ވަނީ ރާއްޖެއަށް ހުއްޓިފަ އެވެ. ބައިނަލްއަގުވާމީ ނޫސްތައް ކަމަށްވާ އަލްޖަޒީރާ، ރަޝިޔާގެ އާރުޓީ ނިއުސްއާއި އަދި އެހެނިހެން ބޮޑެތި މީޑިއާ ތަކުން މި ހަބަރު ދުނިޔޭގެ ސަމާލުކަމަށް ގެނެސްފައިވެ އެވެ.

ބޭރުގެ މީޑިއާ ތަކުގެ އިތުރުން ސޯޝަލް މީޑިއާގެ އެކި މަންސަ ތަކުގައި ވެސް ގިނަ ފަރާތް ތަކުން މިހާރު އަންނަނީ މިކަން ފާހަގަކޮށް، ރައީސުލްޖުމްހުރިއްޔާއަށާއި އެ މަނިކުފާނުގެ ސަރުކާރާއި ދިވެހީނަށް ތައުރީފް ކުރަމުންކަން ފާހަގަކޮށްލެވެ އެވެ.

އިމިގްރޭޝަން