ރަސްދޫގައި ފިހުނު ފިރިހެން މީހާ ނިޔާވެއްޖެ

އަލީ ސާމިން: އޭނާ ނިޔާވީ އިންޑިއާގައި ފަރުވާދެމުން ދަނިކޮށް މިރޭގެ މަގުތެއްގައި --

އއ. ރަސްދޫގައި ހިނގި އަލިފާނުގެ ހާދިސާގައި ފިހުނު އަލީ ސާމިން، 31، މިރޭ ނިޔާވެއްޖެ އެވެ.

މައުލޫމާތު ލިބިފައިވާ ގޮތުގައި އެ ޒުވާނާއަށް އިންޑިއާގައި ފަރުވާދެމުންދަނިކޮށް ނިޔާވީ ދާދި ދެންމެއަކު އެވެ.

މިދިޔަ މަހުގެ 24 ވަނަ ދުވަހު ރަސްދޫގައި ހިނގި އެ އަލިފާނުގެ ހާދިސާގައި ސާމިންގެ ހަށިގަނޑުގެ 78 ޕަސެންޓު ވަނީ އަނދާފަ އެވެ. އެ ހާދިސާގައި ފިހުނު ޝާމިންގެ ކުރީގެ އަނބިމީހާ، އައިޝަތު ރިފްގާ، 31، އަށް އައިޖީއެމްއެޗުގައި ފަރުވާ ދެމުން ދަނިކޮށް މާޗު މަހުގެ 31 ވަނަ ދުވަހު ވަނީ ނިޔާވެފަ އެވެ.

މި ހާދިސާ ހިނގުމުން އެ ދެ މީހުން ވަގުތުން މާލެއަށް ގެނެސް އައިޖީއެމް ހޮސްޕިޓަލުގައި ފަރުވާ ދޭން ފެށީ ވެންޓިލޭޓަރުގަ އެވެ.

މި އަލިފާނުގެ މި ހާދިސާ ހިނގީ އެ އެ މީހުން ދިރިއުޅެމުންދިޔަ ގޭގެ ކޮޓަރީގައެވެ.

ފިހުނު ދެ މީހުންގެ ފަރުވާގެ ކަންކަން ކުރިއަށް ގެންދިޔުމުގައި ލަފާ ދިނުމަށް ޓަކައި މާޗު މަހުގެ 27 ވަނަ ދުވަހު، އިންޑިއާގެ މުމްބާއީގެ ބަޓިއާ ހޮސްޕިޓަލުގެ ބާންސް އެންޑް ޕްލާސްޓިކް ސާޖަން ޑރ.ޝައިލާޝް ވީ ރަނާދު، ރާއްޖެ އައިސް ވަނީ ހާލަތު ބަލާފަ އެވެ.

އަލިފާނުގެ ހާދިސާ ރަސްދޫ