ނިޝާން މުލީގޭ ޝަރަފުގެ އިއްޒަތް، ސައުދީ ފަންޑުގެ ސީއީއޯއަށް އަރުވައިފި

ނިޝާން މުލީގޭ ޝަރަފުގެ އިއްޒަތް، ސައުދީ ފަންޑްގެ ސީއީއޯއަށް އެރުވުން —

ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، ނިޝާން މުލީގޭ ޝަރަފުގެ އިއްޒަތް، ސައޫދީ ފަންޑް ފޯ ޑިވެލޮޕްމަންޓުގެ ޗީފް އެގްޒެކެޓިވް އޮފިސަރު ސުލްތާން ބިން އަބްދުއްރަހުމާން އަލް މުރްޝިދަށް އަރުވައިފި އެވެ.

މި ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގަ އެވެ.

ނިޝާން މުލީގޭ ޝަރަފުގެ އިއްޒަތް، ނިސްބަތް ވަނީ އައްސުލްތާން މުޙައްމަދު ޝަމްސުއްދީނަށެވެ.

ރައީސް އޮފީހުގެ ވެބްސައިޓުގައިވާ ގޮތުން ސައުދީ ފަންޑްގެ ސީއީއޯއަށް ނިޝާން މުލީގޭ ޝަރަފުގެ އިއްޒަތް އެރުވުމަށް ރައީސް މުއިއްޒު ނިންމެވީ، ސައޫދީ ފަންޑުން ރާއްޖޭގެ ރައްޔިތުންގެ ތަރައްގީ އަށާއި، ރައްޔިތުންގެ އާންމު ހާލަތު ކުރިއެރުވުމަށް، ވަރަށް ފުޅާ، ދާއިރާ އެއްގައި ވެދެއްވާފައިވާ އަދި މިހާރު ވެސް ވެދެއްވަމުން ގެންދަވާ އެހީތެރި ކަމާއި، އެއްބާރުލެއްވުމުގެ އަގުވަޒަން ކުރުމުގެ ގޮތުންނެވެ.

ރައީސުލްޖުމްހޫރިއްޔާ، ނިޝާން މުލީގޭ ޝަރަފުގެ އިއްޒަތް، ސައުދީ ފަންޑުގެ ސީއީއޯ އަށް އަރުވައިފައި ވަނީ ދިވެހި ރާއްޖޭގެ އިއްޒަތުގެ ގާނޫނުގެ ތިން ވަނަ މާއްދާއިން އެ މަނިކުފާނަށް ލިބިދޭ ބާރުގެ ދަށުންނެވެ.

ރައީސް ޑރ މުޢިއްޒު