ފިޔޯރީ ބަނދަރު ތަރައްގީ ކުރުމުގެ އަމަލީ މަސައްކަތް ފައްޓައިފި

ފިޔޯރީ ބަނދަރު ތަރައްގީ ކުރުމުގެ އަމަލީ މަސައްކަތް ފެއްޓުން —

ގދ. ފިޔޯރީ ބަނދަރު ތަރައްގީ ކުރުމުގެ މަޝްރޫއުގެ އަމަލީ މަސައްކަތް ފައްޓައިފި އެވެ.

މިކަމަށް ބޭއްވި ރަސްމިއްޔާތުގައި މަޝްރޫއުގެ މަސައްކަތް ފައްޓަވައިދެއްވީ ކޮންސްޓަކްޝަން މިނިސްޓަރު އަބްދުﷲ މުއްތޮލިބު އާއި އެމްޓީސީސީގެ މެނޭޖިން ޑިރެކްޓަރު ޑީސީޕީ (ރިޓަޔާޑް) އަހުމަދު ސައުދު އެވެ.

އެމްޓީސީސީ އާ މި މަޝްރޫއު ހަވާލުކޮށްފައި ވަނީ 38 މިލިއަން ރުފިޔާ އަށެވެ.

ފިޔޯރީ ބަނދަރު ތަރައްގީ ކުރުމުގެ މަޝްރޫއިގެ ތެރެއިން އައު ބަނދަރު ފުން ކުރުމާއި، ބަނދަރަށް ވަންނަ ނެރު ފުން ކުރުމާއި، ރޭމްޕް ހެދުމާއި، ބެލް ފިލް ކުރުމާއި، ރިވެޓްމަންޓާއި އެއްގަމު ތޮށި ލުމާއި، މަގުބައްތި އަދި ނެރު ބައްތި ޖެހުމުގެ އިތުރުން މޫރިން ރިންގް ހަރުކުރުން ހިމެނެ އެވެ.

ކޮންސްޓްރަކްޝަން މިނިސްޓްރީން ބުނީ މި މަޝްރޫ އަކީ އާބާދީގެ ގޮތުން 740 ވަރަކަށް މީހުން ދިރިއުޅޭ ފިޔޯރީއަށް ވަރަށް މުހިންމު މަޝްރޫއެއް ކަމަށާއި، މަޝްރޫއު ނިމުމުން ރަށުގެ އިގުތިސާދަށް ބޮޑު ކުރިއެރުމެއް ލިބުމެއް ލިބި، ރަށުގެ މަސްވެރީންނާއި ވިޔަފާރިވެރިންނަށް ވެސް އިތުރު ފަސޭހަ ތަކެއް ލިބޭނެ ކަމަށެވެ.

ކޮންސްޓްރަކްޝަން މިނިސްޓަރީ