ރަށްވެހީންގެ ސައްލާ އުކުޅަހުގައި ފަށައިގެން ކުރިއަށް ދަނީ

ރަށްވެހީންގެ ސައްލާގެ ނަމުގައި މަޝްވަރާ ބައްދަލުވުމެއް އއ. އުކުޅަހު ކޮންވެންސަން ސެންޓަރުގައި ފައްޓައިފި އެވެ.

މިއީ ލޯކަލް ގަވަރުމަންޓް އޮތޯރިޓީ އާއި، ސިޓީސް މިނިސްޓްރީ އާއި އާއި،މޯލްޑިވްސް އިންސްޓިޓިއުޓް އޮފް ލޯކަލް ގަވަނަންސާއި ޔޫކޭ އިންޓަނޭޝަނަލް ޑިވެލޮޕްމެންޓާއި އަދި ޔޫއެންޑީޕީ ގުޅިގެން ކުރިއަށް ގެންދާ މަޝްވަރާ ބައްދަލުވެމެކެވެ.

މި ބައްދަލުވުން ފައްޓަވައި ދެއްވީ، ސިޓީސް މިނިސްޓަރު އާދަމް ޝަރީފު އުމަރެވެ.

ރަށްވެހީންގެ ސައްލާގެ ނަމުގައި ކުރިއަށް ގެންދާ މި މަޝަވަރާ ބައްދަލުވުމުގައި ހަތް ދާއިރާއަކުން މަޝްވަރާތައް ކުރިއަށް ގެންދިޔުމަށް ވަނީ ނިންމާފަ އެވެ. އެއީ،

1. ޕަބްލިކް ޕަރޓިސިޕޭޝަން

2. ރައްޔިތުންގެ ބައިވެރިވުން އިތުރުކުރެވިދާނެ ގޮތްތައް

3. ކައުންސިލްތަކުން ހިންގާ ޙަރަކާތްތަކުގައި މުޖުތަމަޢުގައި އެކަހެރިކުރެވިފައިވާ ފަރާތްތައްބައިވެރިކުރުވުން

4. އިފެކްޓިވް ކޮމިޔުނިކޭޝަން

5. ރައިޓް ޓު އިންފޮމޭޝަން، އޯޕަން ގަވަރމަންޓް

6. ލާމަރުކަޒީ ނިޒާމުގައި މަދަނީ ޖަމްޢިއްޔާތަކުގެ ބައިވެރިވުން

7. ރައްޔިތުން ބައިވެރިކުރުމަށް ކައުންސިލްތަކަށް މަސައްކަތްކުރެވިދާނެ ގޮތްތައް

ސިޓީސް މިނިސްޓްރީން ބުނީ މި ބައްދަލުވުމުގައި ކައުންސިލް ތަކުގެ ބައެއް ރައީސުންނާއި، މެންބަރުންނާއި އަދި އެސްޖީންނާއެކު ޖުމުލަ 55 ބޭފުޅަކު ބައިވެރިވާ ކަމަށާއި ބައްދަލުވުން މާދަމާ ރޭގެ ނިއަލަށް ކުރިއަށް ދާނެ ކަމަށެވެ.