މަސްވެރިންގެ ކަންބޮޑުވުންތައް އަޑުއަހަން މިނިސްޓަރ ޝިޔާމް މައިދާނަށް!

---

ބޮޑު ކަންނެލީގެ ޔޫނިޔަންއިން އިސްނަގައިގެން މިއަދު މާލޭގައި ކުރިއަށް ގެންދިޔަ އިހްތިޖާޖުގައި ބައިވެރިވުމަށް ފިޝަރީޒް މިނިސްޓަރ ޝިޔާމް އެ ސަރަހައްދަށް ވަޑައިގެން މަސްވެރިންގެ ކަންބޮޑުވުންތައް އަޑުއައްސަވައިފިއެވެ.

ރައީސް ޑރ މުޙައްމަދު މުޢިއްޒު ވެރިކަމަށް ވަޑައިގެންނެވި އިރު މަސްވެރިންނަށް ދޭންޖެހޭ ގިނަ އަދަދެއްގެ ފައިސާ ނުދީ ހުއްޓެވެ. ނަމަވެސް ރައީސް ޑރ މުޢިއްޒުގެ ވަޢުދުފުޅާ އެއްގޮތަށް މިހާރު ވަނީ އެ ފައިސާ މަސްވެރިންނަށް ދޫކުރައްވާފައެވެ.

މިއަދުގެ އެއްވުމުގައި މަސްވެރިން ފާޅުކުރި އަނެއް ކަންބޮޑުވުމަކީ ލޭނުގެ މަސްވެރިކަން ކުރުމަށް ސަރުކާރުން ހުއްދަ ދޭން އުޅޭކަމަށް ބުނެ ފާޅުކުރި ކަންބޮޑުވުމެކެވެ. ނަމަވެސް އިހްތިޖާޖުގެ ބައިވެރިންނާ މުޚާތަބުކުރައްވާ މިނިސްޓަރ ވިދާޅުވީ ސަރުކާރުން ނިންމާ ކޮންމެ ނިންމުމެއް ނިންމާނީ މަސްވެރިންގެ މަސްލަޙަތު ޙިމާޔަތްކުރެވޭ ގޮތެެއް ކަމަށާއި، މަސްވެރިންނަށް ގެއްލުންވާ ގޮތަށް ސަރުކާރުން އެއްވެސް ނިންމުމެއް ނުނިންމާނެ ކަމަށެވެ.

މަސްވެރިންގެ އަތުން ގަތް މަހަށް ފައިސާނުލިބޭތީ ހުވަދު އަތޮޅުގައި ވެސް މަސްވެރިންދަނީ މުޒާހަރާކުރަމުންނެވެ. މިއާއި އެކު މަސްވެރިންނަށް ދޭން ޖޭހެ ފައިސާގެ ތެރެއިން ކޮންމެވެސް ވަރެއް އީދުގެ ކުރިން ދިނުމަށް މަސައްކަތް ކުރަމުން އަންނަ ކަމަށް މިފްކޯއިން މިރޭ ވަނީ ބުނެފައި އެވެ.

---