ހަނިމާދޫ މިސްކިތުގެ ނުނިމިހުރި މަސައްކަތް ނިންމަން އެމްޓީސީސީއަށް

ހަނިމާދޫ މިސްކިތުގެ ނުނިމިހުރި މަސައްކަތް ނިންމަން އެމްޓީސީސީ އާ ހަވާ ކުރުން --

ހދ. ހަނިމާދޫ ގައި ބިނާކުރަމުންދާ މިސްކިތް ނިންމުމުގެ މަސައްކަތް އިސްލާމިކް މިނިސްޓްރީން އެމްޓީސީސީ އާ ހަވާލުކޮށްފި އެވެ.

މި މަޝްރޫއު ހަވާލު ކުރުމަށް މިއަދު ބޭއްވި ރަސްމިއްޔާތުގައި، އެމްޓީސީސީގެ ފަރާތުން ސޮއި ކުރެއްވީ ކުންފުނީގެ މެނޭޖިން ޑައިރެކްޓަރު ޑީސީޕީ (ރިޓަޔާޑް) އަހުމަދު ސައުދީ އެވެ. އަދި މިނިސްޓްރީގެ ފަރާތުން ސޮއި ކުރެއްވީ ޑެޕިއުޓީ މިނިސްޓަރު އިބްރާހިމް އާސިމް އެވެ.

ހަނިމާދ އަކީ 2,645 މީހުންގެ ބޮޑު އާބާދީއެއް އޮންނަ ރަށެކެވެ. ހަނިމާދޫ ގައި އެއާޕޯޓެއް ގާއިމު ކުރެވިފައި އޮތުމުގެ ސަބަބުން ގިނަ އަދަދެއްގެ ދިވެހި ރައްޔިތުންނާއި ފަތުރުވެރިން މި ސަރަހައްދަށް ޒިޔާރަތް ކުރާ މަންޒިލެއްގެ ގޮތުގައި މި ރަށް ވަނީ ވެފަ އެވެ.

އެމްޓީސީސީން ބުނީ ހަނިމާދޫގައި ބިނާ ކުރެވޭ އެ މިސްކިތުގެ މަސައްކަތް ނިމުމާއެކު، އެ ރަށުގެ ހުރިހާ ރައްޔިތުންނަށް އަޅުކަންކުރުމަށާއި، ދީނީ ތައުލީމު އުނގެނުމަށާއި، ރަށުގެ އިޖުތިމާއީ ގުޅުން ބަދަހި ކުރުމަށް އިތުރަށް މަގުފަހި ވެގެންދާނެ ކަމަށް އެ ކުންފުނިން ގަބާލު ކުރާ ކަމަށެވެ.

މި މަޝްރޫއުގެ ދަށުން، 7,933 އަކަ މީޓަރުގެ ސަރަހައްދެއްގައި 500 މީހުންގެ ޖާގައިގެ މިސްކިތެއް ބިނާ ކުރުން ހިމެނެއެވެ.

މި މަޝްރު އަކީ 9.44 މިލިއަން ރުފިޔާއަށް 360 ދުވަސް ތެރޭ ނިންމުމަށް ހަވާލުކުރި މަޝްރޫއު އެކެވެ.

އެމްޓީސީސީ