ފަލަސްތީންގެ ރައްޔިތުންނަށް އެހީވާން ރާއްޖޭގައި ފައިސާ އެެއްކުރަން ކުރިއަށް ގެންދަން ނިންމި "ފަލަސްތީނާ އެކު ދިވެހިން" ޓެލެތޯން މިއަދު ފަށައިފި އެެވެ.

ޕީއެސްއެމްގައި މި ޓެލެތޯން ފަށަން ހެނދުނު ބޭއްވި ރަސްމިއްތާތުގައި ރައީސް ޑރ. މުހައްމަދު މުއިއްޒުގެ ދެކަނބަލުންނާއި ނައިބު ރައީސް ހުސައިން މުހައްމަދު ލަފީތުގެ ދެކަނބަލުންނާއި މިނިސްޓަރުންނާއި ސަރުކާރުގެ އެކިއެކި ކުންފުނިތަކުގެ އިސްވެރިންގެ އިތުރުން ބައެއް މަޖިލިސް މެންބަރުން ވެސް ބައިވެރިވަދައިގެންނެވެ.

ޓެެލެތޯނަށް ހާއްސަކޮށްފައިވާ ފަންޑްފޮއްޓަކަށް އެ ބޭފުޅުން ފައިސާ ވެސް ހަދިޔާކުރައްވާފައިވެ އެވެ.

ހެނދުނު 8:00 ގައި ފެށި ޓެލެތޯން ކުރިއަށް ގެންދަން ނިންމާފައި ވަނީ މިރޭ ދަންވަރު 12:00 އާ ހަމައަށެވެ. އެ ވަގުތުގެ ތެރޭގައި ރާއްޖޭގެ ޓީވީ ޗެނެލްތަކުން ޓެލެތޯންގެ ހަރަކާތްތައް ގެނެސްދޭނެ އެވެ.

މި ޓެލެތޯނަކީ މި މަހުގެ 2 ގައި ކެބިނެޓަށް ހުށަހަޅައި ފާސްކޮށްގެން ކުރިއަށް ގެންދަން ނިންމި ޓެލެތޯނެކެޗވެ. އެގޮތުން މިއަށް ލިބޭ ފައިސާ ފަލަސްތީނަށް ފޯރުކޮށް ދޭން ހަމަޖެހިފައި ވަނީ ފޮރިން މިނިސްޓްރީ މެދުވެރިކޮށް، އދ. ގެ ފަލަސްތީންގެ ރެފިއުޖީންނަށް އެހީވާ ޖަމިއްޔާ "އަންރުވާ" އާ ވެސް ގުޅިގެންނެވެ.

"ފަލަސްތީނާ އެކު ދިވެހިން" ޓެލެތޯނަށް ފައިސާ ހަދިޔާކުރަން މާލެ ސަރަހައްދުގެ އެކި ތަންތަނުގައި ޖުމްލަ 13 ފަންޑްފޮށި ބަހައްޓާފައިވާ އިރު، މި ޓެލެތޯނަށް ހާއްސަ ދެ އެކައުންޓް އެކައުންޓް ނަމްބަރަށް ފައިސާ ވެސް ޓްރާންސްފާ ކުރެވޭނެ އެވެ. އެގޮތުން ފައިސާ ފައިސާ ޖަމާކުރާނީ 7730000655865 އެކައުންޓަށެވެ. އަދި ޑޮލަރުން ނަމަ މި 7730000655866އެކައުންޓަށެވެ.

އެހެންވެ ވީހާ ވެސް ގިނަ ބަޔަކު ފައިސާ ހަދިޔާ ކުރުމަކީ ސަރުކާރުގެ ވަރަށް ބޮޑު އެދުމެކެވެ.

ދިވެހިންނަކީ މިހާތަނަށް ފަލަސްތީނުގެ ރައްޔިތުންގެ ހައްގުގައި ކުރަމުން އަންނަ ކޮންމެ ކަމެއްގައި ވެސް ނަމޫނާ ދައްކަމުން އަންނަ ބައެއްކަން ފާހަގަކޮށްލެވެ އެވެ.