އައްޑޫއަށް 1.8 މެގަވޮޓުގެ އިތުރު ޖަނަރޭޓަރެއް ގެންގޮސްފި

އައްޑޫއަށް ގެންދިޔަ ޖަނަރޭޓަރު ބާލަނީ --

އައްޑޫ ސިޓީއަށް ކުރިމަތިވެފައިވާ ކަރަންޓުގެ މައްސަލަ ހައްލު ކުރުމަށް 1.8 މެގަވޮޓުގެ އިތުރު ޖަރޭޓަރެއް އެ ސިޓީއަށް ގެންގޮސްފައިވާ ކަމަށް ފެނަކަ ކޯޕަރޭޝަނުން މިރޭ ބުނެފި އެވެ.

ފެނަކައިން ބުނީ އައްޑޫ ސެންޓްރަލް ޕަވާ ސްޓޭޝަންގެ ޖެނެރޭޝަން ކެޕޭސިޓީ އިތުރު ކުރުމަށް އިންޑިއާއިން ގެނައި 1.8 މެގަވޮޓުގެ އައު އިންޖީނު ގެންދިޔަ ދޯނި މިހާރު އައްޑޫ އަށް ބަނދަރު ކޮށްފައިވާ ކަމަށެވެ. އަދި އަންލޯޑުކޮށް ސެންޓްރަލް ޕަވާ ސްޓޭޝަނަށް ގެންދިއުމުގެ މަސައްކަތް ކުރަމުން އަންނަ ކަމަށާއި ކުރިއަށް އޮތް 48 ގަޑިއިރު ތެރޭގައި މި އިންޖީނު އިންސްޓޯލްކޮށް، ހިދުމަތް ދޭން ފެށުމަށް ޓެކްނިކަލް ޓީމުން މަސައްކަތް ކުރާ ކަމަށް ފެނަކައިން ބުންޏެވެ.

ކަރަންޓުގެ ކެނޑުމުގެ ގިނަގުނަ ތަކުލީފުތަކާއެކު ވެސް، އައްޑޫ ސިޓީ ރައްޔިތުން ކެތްތެރިކަން އިސްކޮށް، ދައްކާ ފުރިހަމަ ނަމޫނާ އާއި، މައްސަލަތައް ހައްލު ކުރުމަށް ކުންފުނިން ކެނޑިނޭޅި ކުރަމުން އަންނަ މަސައްކަތް ތަކަށް ދޭ އެއްބާރުލުން ފާހަގަކޮށް ފެނައިން ޝުކުރު އަދާ ކުރެ އެވެ.

އައްޑޫން ކަރަންޓު ކެނޑޭ މައްސަލަ ކުރިމަތިވާން ފެށީ، އެ ސިޓީގައި ބޭނުން ކުރަމުން އައި 18 ޖަނަރޭޓަރުގެ ތެރެއިން، ގިނަ އިންޖީނު ތަކެއް މަރާމާތު ނުކޮށް ދިގުލައިގެންދިޔުމުން އެ ޖަނަރޭޓަރުތައް ހަލާކުވުމުގެ ސަބަބުންނެވެ.

ފެނަކަ