އެއާޕޯޓުން ވަގަށް ސިނގިރޭޓު އެތެރެ ކުރަން އުޅުނު މީހުންގެ ވަނަވަރު އާންމުކޮށްފި

ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ޑިޕާޗާ ހޯލުން ގިނަ އަދަދެއްގެ ޑިއުޓީ ފްރީ ސިނގިރޭޓު ރާއްޖެއަށް އެތެރެ ކުރާން އުޅުނު މީހުންގެ ވަނަވަރު އާންމު ކޮށްފި އެވެ.

މީޑިއާގައި ރިޕޯޓުކޮށްފައިވާ ގޮތުގައި މި ތަކެތި އެއާޕޯޓުން ބޭރު ކުރާން އުޅުނީ ފުލުހެކެވެ.

މީޑިއާ ތަކަށް ފޮނުވި މެސެޖުގައި ފުލުހުން ބުނީ މި މަހުގެ 25 ވަނަ ދުވަހުގެ 6:20ހާއިރު ވީއައިއޭގެ ޑިޕާޗާ ހޯލުން ހުއްދަ ނެތި ގިނަ އަދަދެއްގެ ޑިއުޓީ ފްރީ ސިނގިރޭޓު ރާއްޖެއަށް އެތެރެ ކުރާން މަސައްކަތް ކޮށްފައިވާ މައްސަލައެއް ކަސްޓަމްސުން އެ އިދާރާއަށް ހުށަހަޅާފައިވާ ކަމަށެވެ.

މި މައްސަލައިގެ ތުހުމަތުގައި ކޯޓު އަމުރެއްގެ ދަށުން ފުލުހުން ދެމީހަކު ރޭ ހައްޔަރު ކުރި އެވެ.

ފުލުހުން ބުނީ ރޭ ހައްޔަރު ކުރި ދެ މީހުން މިއަދު ކޯޓަށް ހާޒިރު ކުރުމުން ޝަރުތަކަކާ އެކު ދޫކޮށްލާފައިވާ ކަމަށެވެ.

ސިނގިރޭޓު އެތެރެ ކުރާން އުޅުނު މައްސަލައިގައި ހައްޔަރު ކުރީ މ. ސިލްވާ ނެސްޓު، މާލެ، އަހުމަދު އަފްސަން، 45، އާއި ދަފުތަރު ނަންބަރު، 14358، މާލެ، ޔޫސުފު ނަޒީރު، 38، އެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.

ފުލުހުން