ވެލިދޫގައި ޑައިލަސިސްގެ ހިދުމަތް އަންނަ މަހު ފަށަނީ

ވެލިދޫ ސިއްހީ މަރުކަޒު --

ނ. ވެލިދޫގައި ޑައިލަސިސް ގެ ހިދުމަތް އަންނަ މަހު ފަށާނެ ކަމަށް ހެލްތު މިނިސްޓަރު އަބްދުﷲ ނާޒިމް ވިދާޅުވެއްޖެ އެވެ.

މީޑިއާއަށް މައުލޫމާތު ދެއްވަމުން މިނިސްޓަރު ނާޒިމް ވިދާޅުވީ ޑައިލަސިސް ގެ ހިދުމަތް ދެން އެންމެ އަވަހަށް ފަށާނެ އެއް ރަށަކީ ވެލިދޫ ކަމަށެވެ.

"ޑައިލަސިސްގެ ހިދުމަތް ހޯދަން ޖެހޭ މީހުން ގިނަ ރަށްރަށަށް ބަލައިގެން، މި ހިދުމަތް ފުޅާ ކުރުމުގެ މަސައްކަތް ކުރެވިގެންއެބަދޭ، އެގޮތުން ހއ. އިހަވަންދޫގައި ވަރަށް ފަހުން މި ހިދުމަތް ފަށައިފިން، ނ. އަތޮޅުގައި ޑައިލަސިސްގެ އެނދު އިތުރު ކޮށްފިން، ގއ. ވިލިނގިލީގައި ވެސް މިހާރު ޑައިލަސިސްގެ ހިދުމަތް ދެވެމުންދާނެ، އިރާދަކުރެއްވިއްޔާ ކުރިޔަށް އޮތް މަސް ދުވަސް ތެރޭގައި ނ. ވެލިދޫގައި ވެސް މި ހިދުމަތް ފެށިގެންދާނެ،" މިނިސްޓަރު ނާޒިމް ވިދާޅުވި އެވެ.

ކިޑްނީގެ ބަލިތައް ތަހައްމަލު ކުރަމުންދާ މީހުންގެ ނިސްބަތުން ބޮޑު އިންސައްތައެއް ޑައިލަސިސްގެ ހިދުމަތް ގަވާއިދުން ހޯދަން ޖެހެ އެވެ. ރަށުން މި ހިދުމަތް ނުލިބޭ ނަމަ އެންމެ ކައިރި ރަށަކަށް ގޮސްގެން މި ފަރުވާ ހޯދަން ރައްޔިތުން ކުރާ ހޭދަ ކުޑަ ކުރުމަކީ ސަރުކާރުގެ އަމާޒެވެ.

މިނިސްޓްރީ އޮފް ހެލްތް