ރޯދައިގެ ފުރަތަމަ 20 ދުވަހު، ޒަކާތުގެ ގޮތުގައި 7.6 މިލިޔަން ރުފިޔާ ދައްކައިފި

ފިތުރު ޒަކާތުގެ ގޮތުގައި ރޯދަ މަހުގެ ފުރަތަމަ 20 ދުވަހު، 7.6 މިލިޔަން ރުފިޔާ ލިބިފައިވާ ކަމަށް އިސްލާމިކް މިނިސްޓްރީން ބުނެފި އެވެ.

އިސްލާމިކް މިނިސްޓްރީން ވަނީ މިދިޔަ ފަސް އަހަރު، ރަމަޟާން މަހުގެ ފުރަތަމަ 20 ދުވަހުގެ ތެރޭގައި އޮންލައިންކޮށް އަދި ޒަކާތު ހައުސްގެ ކައުންޓަރު ތަކުން ފިތުރު ޒަކާތް، ބަލައިގަތް ގޮތުގެ ތަފާސް ހިސާބު އާންމު ކޮށްފަ އެވެ. އެ ގޮތުން މި ރޯދަ މަހުގެ މެދު ދިހައެއްގެ ތެރޭ 4.7 މިލިއަން ރުފިޔާ ޒަކާތުގެ ގޮތުގައި ބަލައިގެންފައިވެ އެވެ.

މިދިޔަ ހަތަރު އަހަރު ޒަކާތުގެ ގޮތުގައި ލިބުނު ވަރު

2024  ވަނަ އަހަރު 4.6 މިލިއަން ރުފިޔާ

2023  ވަނަ އަހަރު 4.6 މިލިއަން ރުފިޔާ

2022  ވަނަ އަހަރު 3.7 މިލިއަން ރުފިޔާ

2021 ވަނަ އަހަރު 3.1 މިލިއަން ރުފިޔާ

ފިތުރު ޒަކާތު ދެއްކުމުގެ ފުރުސަތު މި ރޯދަ މަހުގެ 27 ވަނަ ދުވަހުގެ ހެނދުނު 6:00 އާ ހަމައަށް ވަނީ އިސްލާމިކް މިނިސްޓްރީން ވަނީ ހުޅުވާލާފަ އެވެ. މި ފަހަރު ވެސް އޮންލައިންކޮށް 5 ޕްލެޓްފޯމަކުން ޒަކާތް ދެއްކޭނެ އެވެ.

އޮންލައިންކޮށް ޒަކާތް ދެއްކޭނީ

ދިރާގު: އެޕް/ ދިރާގު ޕޭ، ވެބްސައިޓް މެދުވެރިކޮށް

އުރީދޫ: އެމްފައިސާ، އެޕްލިކޭޝަން މެދުވެރިކޮށް

މޯލްޑިވްސް އިސްލާމިކު ބޭންކު: އެޕްލިކޭޝަން މެދުވެރިކޮށް

ބޭންކް އޮފް މޯލްޑިވްސް: މޯބައިލް އެޕްލިކޭޝަން

ފަހިޕޭ: އެޕްލިކޭޝަން މެދުވެރިކޮށް