އިމިގްރޭޝަންގެ އަލިމަސް ޔޫބީލްގެ މުނާސަބަތާ ގުޅިގެން ރައީސް ތަހުނިޔާ ފޮނުއްވައިފި

ރައީސް ޑރ. މުއިއްޒު -- ފޮޓޯ/ ރައީސް އޮފީސް

މޯލްޑިވްސް އިމިގްރޭޝަންގެ އަލިމަސް ޔޫބީލްގެ މުނާސަބަތާ ގުޅިގެން ރައީސް ޑރ. މުޙައްމަދު މުއިއްޒު، ތަހުނިޔާ ފޮނުއްވައިފި އެވެ.

ރައީސް ޕޯސްޓުގައި އިމިގްރޭޝަންގެ ހިދުމަތް ރާއްޖެއިން ލިބެން ފެށިތާ 75 އަހަރު ފުރޭ އަލިމަސް ޔޫބީލް މުނާސަބަތުގައި، އެ ދާއިރާގައި ކުރީން މަސައްކަތްކޮށްދެއްވި، އަދި މިހާރު ވެސް މަސައްކަތުގައި ދެމިތިއްބެވި ހުރިހާ ހިދުމަތްތެރީންނަށް މަރުހަބާ ވިދާޅުވެ، ޝުކުރު ދަންނަވާފައިވެ އެވެ.

އަލިމަސް ޔޫބީލް ފާހަގަ ކުރުމަށް އެކި ދުވަސް ތަކަށް ބަހާލައިގެން ގިނަ ހަރަކާތް ތަކެއް ކުރިއަށް ގެންދިއުމަށް އިމިގްރޭޝަނުންވަނީ ނިންމަވާފަ އެވެ. މިގޮތުން ރަސްމީ ޖަލްސާއެއް ބޭއްވުމާއި، ފަންފެއާ، ޗެރިޓީ ރަން، އަދި ކުޑަކުދިންގެ ހަވީރީ ކުއިޒް އެއް ކުރިއަށް ގެންދިއުމަށް ވެސް ވަނީ ހަމަޖެހިފަ އެވެ.

ރާއްޖޭގައި އިމިގްރޭޝަންގެ ހިދުމަތް ދޭންފަށާފައި ވަނީ 24 މާޗު 1950ގަ އެވެ.

ރައީސް ޑރ މުޢިއްޒު