ޝަމްއާންގެ އަނބިކަނބަލުންގެ ފޯނު ހިފަހައްޓައިފި

އިމިގްރޭޝަންގެ ކުރީގެ ކޮންޓްރޯލަރު ޝަމްއާން ވަހީދު -- އަވަސް ފޮޓޯ

ކުރީގެ އިމިގްރޭޝަން ކޮންޓްރޯލާ ޖެނެރަލް ޝަމްއާން ވަހީދުގެ އަނބިކަނބަލުންގެ ފޯނު ހިފަހައްޓާ ދެމީހަކު ފުރުން މަނާކޮށްފި އެވެ.

ޝަމްއާން ހައްޔަރު ކުރީ އިމިގްރޭޝަންގެ ބައެއް މުވައްޒަފުން މަގާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރީންގެ އަތުން ނާޖާއިރު ފައިދާ ހޯދަމުންދާ ކަމަށް ތުހުމަތު ކުރެވޭ މައްސަލައާ ގުޅުވައިގެންނެވެ.

މި މައްސަލައާ ގުޅުވައިގެން ޝަމްއާން ދިރިއުޅުއްވާ ގެ ބަލައި ފާސްކޮށް، ގިނަ އަދަދެއްގެ ފައިސާ އާއި އިލެކްޓްރޯނިކް ސާމާނު، ފުލުހުން ހޯދާފައިވެ އެވެ. އެ ފައިސާއަކީ އޭނާގެ އަމުރަށް ބަންދުން ދޫކޮށްލި ބިދޭސީއެއްގެ އަތުގައި ހުރި 530،000 ރުފިޔާއާ ކަމަށް ފުލުހުން ބުނެފައިވެ އެވެ.

ފުލުހުން މިއަދު ބުނީ ޝަމްއާންގެ އާއިލާގެ މެމްބަރެއްގެ ފޯނު ކޯޓު އަމުރެއްގެ ދަށުން ހިފަހައްޓާފައިވާ ކަމަށާއި އޭގެ އިތުރުން ދެ މީހަކު ފުރުން މަނާ ކޮށްފައިވާ ކަމަށެވެ.

ޝަމްއާންގެ ގެ ބަންދަށް ކޯޓުން މިހާރު ވަނީ 15 ދުވަސް ޖަހައިދީފަ އެވެ.

ފުލުހުން