ޝަމްއާންގެ ބަންދަށް 15 ދުވަސް ޖަހައިފި

ޝަމްއާންގެ ބަންދަށް ކޯޓުން ވަނީ 15 ދުވަސް ދީފައި --

ކުރީގެ އިމިގްރޭޝަން ކޮންޓްރޯލަރު މުޙައްމަދު ޝަމްއާން ވަހީދުގެ ބަންދަށް 15 ދުވަހުގެ މުއްދަތެއް ޖަހައިފި އެވެ.

ޝަމްއާގެ ބަންދާ މެދު ގޮތެއް ނިންމުމަށް، މިއަދު ކްރިމިނަލް ކޯޓަށް ހާޒިރު ކުރުމުން، އޭނާގެ ބަންދަށް 15 ދުވަހުގެ މުއްދަތެއް ދީފައިވާ ކަމަށް ފުލުހުން ބުންޏެވެ.

އިމިގްރޭޝަންގެ ބައެއް މުވައްޒަފުން، މަގާމުގެ ބޭނުން ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރީންގެ އަތުން ނާޖާއިޒު މަންފާ ހޯދަމުންދާ ކަމުގެ ތުހުމަތުގައި ޝަމްއާން، ކޯޓު އަމުރެއްގެ ދަށުން ހައްޔަރު ކުރީ ހޮނިހިރު ދުވަހުގެ ރޭގަނޑު އެވެ.

މި މައްސަލައާ ގުޅުވައިގެން ޝަމްއާން ދިރިއުޅުއްވާ ގެ ބަލައި ފާސްކޮށް، ގިނަ އަދަދެއްގެ ފައިސާއާއި އިލެކްޓްރޯނިކް ސާމާނު، ފުލުހުން ހޯދާފައިވެ އެވެ. އެ ފައިސާއަކީ އޭނާގެ އަމުރަށް ބަންދުން ދޫކޮށްލި ބިދޭސީއެއްގެ އަތުގައި ހުރި 530،000 ރުފިޔާއާ ކަމަށް ފުލުހުން ބުނެފައިވެ އެވެ.

މި މައްސަލައިގައި ތުހުމަތު ކުރެވޭ ތިން މީހަކު ހައްޔަރު ކޮށްފައިވާ ކަމަށް ފުލުހުން މީގެ ކުރިން ބުންޏެވެ.

ފުލުހުން