ރައީސް، ފަހު ދިހައިގެ ހެޔޮ ދުއާއާއި ތަހުނިޔާ ފޮނުއްވައިފި

ރައީސް މުއިއްޒު ދުވާފަރަށް ކުރެއްވި ދަތުރުފުޅުގެ ތެރެއިން -- ފޮޓޯ/ ރައީސް އޮފީސް

ރަމަޟާން މަހުގެ ފަހު ދިހައިގެ ހެޔޮ ދުއާއާއި ތަހުނިޔާ ރާއްޖޭގެ އެންމެހާ ރައްޔިތުންނަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އަރިސް ކުރައްވައިފި އެވެ.

ރައީސް ކުރެއްވި އެކްސް ޕޯސްޓުގައި ވަނީ މި ބަރަކާތްތެރި ރޭ ތަކުގެ ހެޔޮ ދަރުމައާއި ސަވާބު އަޅަމެން އެންމެނަށް ދެއްވުން އެދި ދުއާ ކުރައްވާފަ އެވެ.

އަދި ލައިލަތުލް ގަދްރިވިލޭރޭގެ މަތިވެރި ނިއުމަތް އަޅަމެން އެންމެނަށް ދެއްވުން އެދިވެސް ރައީސް ދުއާ ކުރައްވާފައިވެ އެވެ.

"ބަރަކާތްތެރި ރަމަޟާން މަހުގެ ފަހު ދިހައިގެ ހެޔޮ ދުއާ ތަހުނިޔާ އެންމެހާ ލޮބުވެތި ރައްޔިތުންނަށް އަރިސްކުރަން. މާތް ﷲ މި ބަރަކާތްތެރި ރޭ ތަކުގެ ހެޔޮ ދަރުމަޔާއި ސަވާބު އަޅަމެން އެންމެނަށް ލަށްވާށި! ލައިލަތުލް ގަދްރީގެ މަތިވެރި ނިއުމަތް އަޅަމެން އެންމެނަށް ދެއްވަވާށި! އާމީން،" ރައީސްގެ ތަހުނިޔާ މެސެޖުގައި ވިދާޅުވި އެވެ.

ރައީސް ޑރ މުޢިއްޒު