މިނިސްޓަރު ހަލީލް އިންޑިއާއަށް ކުރެއްވި ދަތުރުފުޅު ނިންމަވާލައްވައިފި

ރާއްޖޭގެ ފޮރިން މިނިސްޓަރު ހަލީލު އިންޑިއާގެ ފޮރިން މިނިސްޓަރު ޑރ. ސުބުރަމާނިޔަމް ޖައިޝަންކަރުއާ ބައްދަލުކުރައްވަނީ --

ފޮރިން މިނިސްޓަރު އަބްދުﷲ ހަލީލް، އިންޑިއާއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު،އިންޑިއާގެ ނިއުދިއްލީ އިން މިއަދު ފުރައިވަޑއިގެންފި އެވެ.

ހަލީލްގެ މި ދަތުރުފުޅަކީ 10 ވަނަ ރައިސީނާ ޑައިލޮގް ގައި ބައިވެރިވެ ވަޑައިގަތުމަށް ކުރެއްވި ދެދުވަހުގެ ދަތުރުފުޅެކެވެ.

އެ މަނިކުފާނުގެ މި ދަތުރުފުޅުގައި އިންޑިއާގެ ހާރިޖީ ވަޒީރު، ޑރ. އެސް ޖައިޝަންކަރުއާއި ބައްދަލުކުރެއްވި އެވެ. އަދި ރައިސީނާ ޑައިލޮގްގެ ތެރެއިން ބޭއްވި ހައިލެވެލް ޕެނަލް ޑިސްކަޝަން "ކްލައިމެޓް ކެޓަކްލިޒަމް: ދަ އެޑަޕްޓޭޝަން އެޖެންޑާ އިޒް ގޭސްޕިންގް"ގައި އެ މަނިކުފާނު ބައިވެރިވެވަޑައިގެންނެވި އެވެ.

އަދި 10 ވަނަ ރައިސީނާ ޑައިލޮގުގައި ބައިވެރިވެވަޑައިގެން ގައުމުތަކުގެ ހާރިޖީ ވަޒީރުންނާއި އިސްވެރީންނާއި ހަވާސާގައި ބައްދަލު ކުރައްވާ މަޝްވަރާތައް ކުރިއަށް ގެންދަވާފައިވެ އެވެ.

އެ މަނިކުފާނަށް ދިއްލީ އިން އަލްވަދާއު ދެންނެވީ ރާއްޖެއިން އިންޑިއާއަށް ކަނޑައަޅުއްވާފައި ހުންނަވާ ސަފީރު، އައިޝަތު އަޒީމާ އަދި އިންޑިއާގެ އެކްސްޓާނަލް އެފެއާޒް މިނިސްޓްރީގެ އިސް އޮފިޝަލުންނެވެ.

މިނިސްޓަރ ހަލީލް