ރޯދަ މަހާ ގުޅުވައިގެން ފުލުހުން ބާއްވާ ގުރުއާން މުބާރާތް ފައްޓައިފި

ވިލިތަރި ގުރުއާން މުބާރާތުގައި މިއަދު ކުއްޖަކު ކިޔަވަނީ --

ރަމަޟާން މަހަށް ހާއްސަ ކޮށްގެން ފުލުހުން ކުރިއަށް ގެންދާ "ވިލިތަރި ގުރުއާން'' މުބާރާތް ވިލިމާލޭގައި މިއަދު ފައްޓައިފި އެވެ.

ވިލިމާލެ ޕޮލިހުން އިންތިޒާމު ކޮށްގެން މާދަމާގެ ނިޔަލަށް ވިލިމާލޭގައި ކުރިއަށް ގެންދާ ގޮތަށް ހަމަޖައްސާފައިވާ މި މުބާރާތުގައި މުޅިއެކު 95 ކުދީން ބައިވެރިވެ އެވެ.

އެއީ ތިން އަހަރާއި ފަސް އަހަރާ ދެމެދުގެ އުމުރު ފުރާގެ 24 ކުދީންނާއި ހަ އަހަރާއި ނުވަ އަހަރާ ދެމެދުގެ އުމުރުފުރާގެ 36 ކުދީންނާއި 10 އަހަރާއި 13 އަހަރާ ދެމެދުގެ އުމުރުފުރާގެ 24 ކުދީންގެ އިތުރުން 14 އަހަރާއި 17 އަހަރާ ދެމެދުގެ އުމުރުފުރާގެ 11 ކުދީންނެވެ.

މުބާރާތް ފެށުމަށް މިއަދު ބޭއްވި ރަސްމިއްޔާތު ޝަރަފުވެރި ކޮށްދެއްވީ އައްޝައިހު އަހުމަދު ފަހުމީ ދީދީ އެވެ.

މި ރަސްމިއްޔާތުގައި މާލެ ޕޮލިސް ހެޑް، އެސިސްޓެންޓް ކޮމިޝަނާ އޮފް ޕޮލިސް އާސިމް އަބްދުﷲ އާއި ތިލަމާލެ ޕޮލިސް ހެޑް، ސުޕްރިންޓެންޑެންޓް އޮފް ޕޮލިސް އަބްދުﷲ ރަޝީދު އާއި ވިލިމާލެ ޕޮލިސް ހެޑް، ޗީފް އިންސްޕެކްޓާ އޮފް ޕޮލިސް ޒިޔާދު އަލީ ބައިވެރިވެލެއްވި އެވެ.

ފުލުހުން