ވިޔަފާރި އުސޫލުން ދަނޑުވެރިކަން ކުރާ ފަރާތްތަކުގެ ދަފުތަރެއް އެކުލަވައިލަނީ

ތޮއްޑޫގައި ދަނޑުވެރިއަކު މަސައްކަތް ކުރަނީ -- ފޮޓޯ/ މިހާރު

ރާއްޖޭގައި ވިޔަފާރި އުސޫލުން ދަނޑުވެރި ކަމުގައި ހަރަކާތްތެރިވެ އުޅޭ ފަރާތްތައް ދެނެގަތުމަށް ޓަކައި ދަފުތަރެއް އެކުލަވާލުމަށް ނިންމާފައިވާ ކަމަށް އެގްރިކަލްޗާ މިނިސްޓްރީން ބުނެފި އެވެ.

މިނިސްޓްރީން ބުނީ މި ގޮތުން މައުލޫމާތު ނެގުމަށް ހަމަޖެހިފައި ވަނީ މި ވަގުތު ދަނޑުވެރިކަމުގައި (ވިޔަފާރި އުސޫލުން ދަނޑުހައްދާ ފަރާތްތައް، ވިޔަފާރި އުސޫލުން ކުދި ޖަނަވާރު އަދި ކުކުޅު ގެންގުޅޭ ފަރާތްތައް، ވިޔަފާރި އުސޫލުން ގަސް ހައްދާ ވިއްކާ ފަރާތްތައް) ހަރަކާތްތެރިވާ ފަރާތްތައް އަދި ވިޔަފާރި އުސޫލުން އެ މަސައްކަތް ކުރުމަށް ޝައުގުވެރިވާ ފަރާތްތަކާއި އެކުގައި ކަމަށެވެ.

އެ މިނިސްޓްރީން ބުނީ ދަނޑުވެރި ކަމުގައި ހަރަކާތްތެރިވާ އަދި ހަރަކާތްތެރިވުމަށް ޝައުގުވެރިވާ ފަރާތްތައް އަންނަ އޭޕްރީލް މަހުގެ 10 ދުވަހުގެ ކުރިން ވުޒާރާގެ މެއިލްއަށް info@agriculture.gov.mv ފޯމު ހުށަހަޅަންޖެހޭ ކަމަށެވެ.

މި ދަފުތަރުގައި މި ވަގުތު މީހުން ދިރިއުޅޭ ރަށް ރަށުގައި ދަނޑުވެރިކަން ކުރަމުން އަންނަ އަމިއްލަ ފަރުދުން ނުހިމެނޭނެ ކަމަށް ވެސް އެގްރިކަލްޗާ މިނިސްޓްރީން ބުނެއެވެ.

ނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއާ