ނިރުބަވެރި އިސްރާއީލުން ޣައްޒާއަށް ވަރުގަދަ ހަމަލާތަކެއް ދީ ގިނަބަޔަކު ޝަހީދުކޮށްލައިފިއެވެ.
މި ހަމަލާތައް އަމާޒުކޮށްފައިވަނީ ޣައްޒާގެ ރަފާހް، ޚާން ޔޫނުސް، ދީރް އަލް ބަލާހް، ނުސީރަތު، އަލްބުރައިޖް، އަލް ޒައިތޫން، އަލް ކަރަމާ އަދި ބެއިތު ހަނޫން ފަދަ ސަރަހައްދުތަކަށެވެ.
އަލްޖަޒީރާ އަރަބިކްއިން ބުނީ އިސްރާއީލުގެ ހަނގުރާމަމަތީ މަތިންދާބޯޓުތަކުން ޣައްޒާއަށް ވަރުގަަދަ ހަމަލާތަކެއް ދެމުންދާ ކަމަށެވެ.
މީޑިއާ ރިޕޯޓްތައް ބުނާގޮތުގައި ނިރުބަވެރި އިސްރާއިލުން ދަނީ ޣައްޒާއަށް ވަރުގަދަ ހަމަލާަކެއް ދެމުންނެވެ. މި ހަމަލާތަކުގައި ޣައްޒާގެ އެތައް ބަޔަކު ޝަހީދުވިއިރު، އޭގެ ތެރޭގައި އަންހެނުންނާއި ކުޑަކުދިން ގިނައެވެ. މި ހަމަލާތައް ދީފައި ވަނީ ޣައްޒާގެ އެތައް ބަޔަކު ނިދާފައި ތިއްބާއެެވެ. މި ހަަމަލާތަކުގެ ސަބަބުން ޣައްޒާގެ ޓެންްޓްތަކުގައި ވަރަށް ބޮޑަށް ރޯވެ އަނދަމުންދިޔައިރު، މީގެ އަސަރު ގިނަބަޔަކަށް ކޮށްފައި ވެއެވެ.
ކޮމެންޓް