ކާނިވާ ސްޓޭޖު ތަރައްގީކޮށް ނިމުމުން ހުންނާނެ ގޮތުގެ ކުރެހުން ދައްކާލައިފި

ކާނިވާ ސްޓޭޖު ތަރައްގީކޮށް ނިމުމުން ހުންނާނެ ގޮތުގެ ކުރެހުން —

މާލޭގެ ކާނިވާ ސަރަހައްދުގައި މިހާރު ހުރި ސްޓޭޖު ތަޅާލުމަށް ފަހު، އެ ތަނުގައި އަލަށް ހަދާ ސްޓޭޖު ހުންނާނެ ގޮތުގެ ކުރެހުން، މާލެ ސިޓީ ކައުންސިލުން ދައްކައިލައިފި އެވެ.

އައު ސްޓޭޖު ހުންނާނެ ގޮތުގެ ކުރެހުން ކައުންސިލުން މިއަދު އާންމުކޮށްފައިވާއިރު، މި މަސައްކަތް ކުރުމަށް ކައުންސިލުން ވަނީ، މި މަހުގެ 14 ވަނަ ދުވަހު ޔޫއެޗް އިންވެސްޓްމަންޓް ޕްރައިވެޓް ލިމިޓެޑާ ހަވާލު ކޮށްފަ އެވެ.

ކައުންސިލުން މި މަސައްކަތް ނިންމަން ހަވާލު ކޮށްފައި ވަނީ ޖުލައި މަހުގެ ނިޔަލަށެވެ. އެއީ ޖުމުލަ 140 ދުވަހެވެ.

މި މަސައްކަތުގެ އަގަކީ 4,847,000.00 (ހަތަރު މިލިއަން އަށް ލައްކަ ސާޅީސް ހަތް ހާސް) ދިވެހި ރުފިޔާ އެވެ.

އައު ސްޓޭޖުގެ ފޮޓޯއަކާ އެކު، މާލެ ސިޓީގެ މޭޔަރު އާދަމް އާޒިމް މިއަދު، ކުރެއްވި އެކްސް ޕޯސްޓެއްގައި ވިދާޅުވެފައި ވަނީ، ޒަމާން ތަކެއް ވަންދެން ހަލާކުވެ ވީރާނާ ވާން ދޫކޮށްލާފައިވާ މި ސްޓޭޖު، ދެން ފެނިގެންދާނީ، އެންމެ ޒަމާނީ ފެންވަރުގެ ތަނެއްގެ ގޮތުގައި ކަމަށެވެ.

މާލެ ސިޓީ ކައުންސިލް