ރާއްޖެއަށް އެތެރެކުރި އަށް ލައްކައަށް ވުރެ ގިނަ ރުފިޔާގެ ޑުރަގު އަތުލައިފި

އެއާޕޯޓުން ބަޔަކު ފުރަނީ -- ސަން ފޮޓޯ

ވައިގެ މަގުން ރާއްޖެއަށް އެތެރެކުރި އަށް ލައްކައަށް ވުރެ ގިނަ ރުފިޔާގެ މަސްތުވާތަކެތި ކަސްޓަމްސުން އަތުލައިގެންފި އެވެ.

ކަސްޓަމްސުން ބުނީ މި ތަކެތި އަތުލައިގަތީ ރޭ ތައިލެންޑުން ރާއްޖެ އައި ޖެނެރަލް ގުޑްސް ޝިޕްމަންޓެއްގައި މަސްތުވާތަކެތި ހުރި ކަމަށް ޝައްކު ކުރެވިގެން އިތުރަށް ބަލައި ފާސް ކުރުމުގެ ތެރޭގައި ކަމަށެވެ.

އަތުލައިގަތް މަސްތުވާތަކެތި ހުރީ 20 ޕެކެޓުގައި ފޮރުވާފައި ކަމަށާއި އެ ތަކެތި ފުރަތަމަ މަރުހަލާގެ ތަހުލީލު ތަކުން މަސްތުވާ ތަކެތީގެ ބާވަތެއް ކަމުގައިވާ ކެނެބިސް އަށް ޕޮޒިޓިވް ވެފައިވާ ކަމަށް ކަސްޓަމްސުން ބުނެއެވެ.

އެ ތަކެތީގެ ބަރުދަނުގައި ޕެކިންއާއެކު 1097 ގުރާމް ހުރިއިރު، މަގުމަތީ އަގަކަށް ގާތްގަނޑަކަށް 877،600 ރުފިޔާއަށް އަރާނެ ކަމަށް ވެސް ކަސްޓަމުން ވަނީ ކަމަށް ލަފާކޮށްފަ އެވެ.

އެ އިދާރާއިން ބުނީ މި މައްސަލަ އިތުރަށް ތަހުގީގު ކުރުމަށް ޓަކައި އަތުލައިގަނެވުނު މަސްތުވާ ތަކެތި ފުލުހުންނާ ހަވާލު ކޮށްފައިވާ ކަމަށެވެ.

ކަސްޓަމްސް މަސްތުވާތަކެތި